Nieviadomy paraniŭ ź pistaleta pasažyra maskoŭskaha mietro na stancyi «Prafsajuznaja» Kałužskaj-Ryžskaj linii, paviedamlajuć rasijskija infarmahienctvy sa spasyłkaj na pres-słužbu hałoŭnaha ŭpraŭleńnia MUS Rasii pa Maskvie.
Stralba mierkavana viałasia z traŭmatyčnaha pistaleta «Asa». Joj papiaredničała słoŭnaja svarka strałka z paciarpiełym. Pa słovach vidavočcaŭ, apošni ŭ vyniku atrymaŭ dva streły ŭ hałavu praktyčna va ŭpor.
Napadnik vyjšaŭ z vahona na stancyi «Kałužskaja» i ŭciok ź miesca zdareńnia, u ciapierašni čas viadziecca jaho pošuk. Hałoŭnaje śledčaje ŭpraŭleńnie SKR pa Maskvie raspačało kryminalnuju spravu pra zamach na zabojstva, pa hetym artykule mužčynu pahražaje da 15 hadoŭ pazbaŭleńnia voli.
Paciarpieły dastaŭleny ŭ balnicu, jamu akazvajuć dapamohu.
Heta ŭžo druhi za apošnija dni vypadak prymianieńnia zbroi ŭ maskoŭskim mietro. 5 krasavika na stancyi «Tahanskaja» pasvarylisia dvoje mužčyn. U vyniku adzin ź ich nanios druhomu kołata-rezanaje ranieńnie. Padazravanaha nieŭzabavie ŭdałosia zatrymać.
Kamientary