Niekalki dzion tamu jany vyjechali ź Niamieččyny i Šviecyi. Biez kiroŭcaŭ jany adoleli 2100 kiłamietraŭ.
Jany sami abjazdžajuć pryparkavanyja aŭtamabili, tarmoziać pierad piešachodami i vybirajuć ekanamičny režym jazdy.
U ekśpierymiencie ŭziali ŭdzieł dziesiatak bieśpiłotnych hruzavych furaŭ šaści viadučych jeŭrapiejskich aŭtavytvorcaŭ. U kožnym karavanie było pa 2—3 hruzaviki, jakija kantralavalisia kiroŭcam-apierataram ź viadučaha hruzavika z dapamohaj biespravadnoj suviazi. U pracesie ruchu im zadavalisia maršrut i chutkaść, sinchranizavalisia momanty tarmažeńnia i paskareńnia.
Viadučy karavana zabiaśpiečvaŭ biaśpiečnuju dystancyju pamiž imi.
Udzielniki niderłandskaha prajekta European Truck Platooning («Jeŭrapiejski ruch hruzavikoŭ u kałonie») padličyli, što dva hruzaviki, abstalavanyja padobnaj sistemaj aŭtamatyčnaha prytrymlivańnia adzin za adnym, pry štohadovym prabiehu 160 tysiač kiłamietraŭ dazvolili b zekanomić na palivie da 6 tysiač jeŭra (u paraŭnańni ź pieramiaščeńniem na zvyčajnym kruiz-kantroli).
Jak adznačajuć raspracoŭščyki, ab poŭnaj aŭtanomnaści mašyn kazać pakul rana. Dla jaje dasiahnieńnia nieabchodna pieraadoleć šerah prablem, źviazanych sa standartyzacyjaj praviłaŭ pieravozak na ŭsim kantyniencie, a taksama z zabieśpiačeńniem ŭzajemadziejańnia pamiž hruzavikami roznych vytvorcaŭ.
«Hruzavyja karavany zabiaśpiečać bolš ekałahična biaśpiečnyja i vyhadnyja pieravozki. Bieśpiłotny transpart taksama spryjaje bolšaj biaśpiecy darožnaha ruchu, bo pryčynaj bolšaści avaryj stanovicca čałaviečy faktar», — padvioŭ pieršyja vyniki ekśpierymientu ministr transpartu Niderłandaŭ Šulc van Chahien.
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie12
Kamientary