Некалькі дзён таму яны выехалі з Нямеччыны і Швецыі. Без кіроўцаў яны адолелі 2100 кіламетраў.
Яны самі аб'язджаюць прыпаркаваныя аўтамабілі, тармозяць перад пешаходамі і выбіраюць эканамічны рэжым язды.
У эксперыменце ўзялі ўдзел дзесятак беспілотных грузавых фураў шасці вядучых еўрапейскіх аўтавытворцаў. У кожным караване было па 2—3 грузавікі, якія кантраляваліся кіроўцам-аператарам з вядучага грузавіка з дапамогай бесправадной сувязі. У працэсе руху ім задаваліся маршрут і хуткасць, сінхранізаваліся моманты тармажэння і паскарэння.
Вядучы каравана забяспечваў бяспечную дыстанцыю паміж імі.
Удзельнікі нідэрландскага праекта European Truck Platooning («Еўрапейскі рух грузавікоў у калоне») падлічылі, што два грузавікі, абсталяваныя падобнай сістэмай аўтаматычнага прытрымлівання адзін за адным, пры штогадовым прабегу 160 тысяч кіламетраў дазволілі б зэканоміць на паліве да 6 тысяч еўра (у параўнанні з перамяшчэннем на звычайным круіз-кантролі).
Як адзначаюць распрацоўшчыкі, аб поўнай аўтаномнасці машын казаць пакуль рана. Для яе дасягнення неабходна пераадолець шэраг праблем, звязаных са стандартызацыяй правілаў перавозак на ўсім кантыненце, а таксама з забеспячэннем ўзаемадзеяння паміж грузавікамі розных вытворцаў.
«Грузавыя караваны забяспечаць больш экалагічна бяспечныя і выгадныя перавозкі. Беспілотны транспарт таксама спрыяе большай бяспецы дарожнага руху, бо прычынай большасці аварый становіцца чалавечы фактар», — падвёў першыя вынікі эксперыменту міністр транспарту Нідэрландаў Шульц ван Хаген.
Каментары