«U hetu subotu, 16 krasavika, my arhanizujem vandroŭku ŭ Harodniu ad adździaleńnia najnoŭšaj historyi Biełaruskaha Kalehijuma», — paviedamlaje ŭ fejsbuku Alaksiej Łastoŭski.
«U samoj Harodni nas čakajuć Andrej Čarniakievič i Andrej Vaškievič, jakija praviaduć nas šlachami abaroncaŭ horada ŭ 1939 hodzie. Na prykładzie padziej vieraśnia 1939 h. pasprabujem pakazać, jak adbyvajecca «nałažeńnie» roznych histaryčnych prastoraŭ i jakim čynam sieńnia farmujecca palityka pamiaci ŭ adnosinach da pa-za idejałahičnych tem. My projdziem ad byłych «šerych» (karmielickich) kazarm uzdoŭž Niemana (stary Padoł) da katalickich mohiłak, naviedajem staryja vajskovyja mohiłki, były Skidzielski plac i vierniemsia pa vuł. Marksa (Bryhickaj) u centr (Rynak).
Pry žadańni, da vandroŭki moža dałučycca luby achvotny. Udzieł biaspłatny, adzinaje, treba samastojna apłacić prajezd da Harodni i nazad.
My vyjazžajem ciahnikom 16 krasavika, adpraŭleńnie - 7.01, prybyćcio 11.43, płackart - 77.200. Nazad možna viarnucca albo viačernim ciahnikom (17.28), albo načnym (23.41).
U Harodni źbirajemsia la restaracyi «Karčma» na rahu vulicaŭ Ažeška i Savieckaj a 12.30».
Kamientary