Sienatar ad štata Techas Ted Kruz u svajoj pramovie paśla parazy na prajmieryz u štacie Indyjana zajaviŭ, što bolš nie budzie zmahacca za naminacyju ad respublikancaŭ.
«Ja kazaŭ, što praciahnu baraćbu za naminacyju da taho času, pakul jość realnaja daroha da pieramohi. Siońnia z žalem pavinien skazać, što hetaja daroha zakryta», — skazaŭ Kruz.
Ultrakansiervatyŭny Ted Kruz byŭ asnoŭnym supiernikam miljardera Donalda Trampa. Jon rehularna zajmaŭ druhija miescy na respublikanskich prajmieryz. Z vychadam Kruza z honki šancy Trampa atrymać naminacyju na pasadu prezidenta ad respublikancaŭ stali praktyčna absalutnymi.
Na minułym tydni Tramp atrymaŭ pieramohu va ŭsich piaci paŭnočna-ŭschodnich štatach, dzie tady pravodzilisia prajmieryz abo kokusy, paśla čaho zajaviŭ, što ŭpeŭnieny ŭ tym, što atrymaje naminacyju ad respublikancaŭ jašče da źjezdu, pryznačanaha na lipień.
Učora na prajmieryz u Indyjanie Tramp atrymaŭ 55%, Kruz — 33%, Džon Kiejsik — 10%.
Farmalna u prajmieryz jašče praciahvaje ŭdzielničać hubiernatar Ahajo Džon Kiejsik, adnak jon daloka adstaje ad Trampa pa kolkaści delehataŭ i praktyčna nie maje šancaŭ jaho dahnać.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary