Сенатар ад штата Тэхас Тэд Круз у сваёй прамове пасля паразы на праймерыз у штаце Індыяна заявіў, што больш не будзе змагацца за намінацыю ад рэспубліканцаў.
«Я казаў, што працягну барацьбу за намінацыю да таго часу, пакуль ёсць рэальная дарога да перамогі. Сёння з жалем павінен сказаць, што гэтая дарога закрыта», — сказаў Круз.
Ультракансерватыўны Тэд Круз быў асноўным супернікам мільярдэра Дональда Трампа. Ён рэгулярна займаў другія месцы на рэспубліканскіх праймерыз. З выхадам Круза з гонкі шанцы Трампа атрымаць намінацыю на пасаду прэзідэнта ад рэспубліканцаў сталі практычна абсалютнымі.
На мінулым тыдні Трамп атрымаў перамогу ва ўсіх пяці паўночна-ўсходніх штатах, дзе тады праводзіліся праймерыз або кокусы, пасля чаго заявіў, што ўпэўнены ў тым, што атрымае намінацыю ад рэспубліканцаў яшчэ да з'езду, прызначанага на ліпень.
Учора на праймерыз у Індыяне Трамп атрымаў 55%, Круз — 33%, Джон Кейсік — 10%.
Фармальна у праймерыз яшчэ працягвае ўдзельнічаць губернатар Агаё Джон Кейсік, аднак ён далёка адстае ад Трампа па колькасці дэлегатаў і практычна не мае шанцаў яго дагнаць.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары