Łukašenka: Biełaruś u ciapierašniaj tryvožnaj abstanoŭcy pa pravu ličycca kutkom stabilnaści
Biełaruś u ciapierašniaj tryvožnaj abstanoŭcy pa pravu ličycca kutkom stabilnaści. Ab hetym siońnia zajaviŭ Alaksandr Łukašenka na cyrymonii ŭručeńnia dziaržaŭnych uznaharod.
Pakaleńnie pieramožcaŭ - tyja, chto vyratavaŭ Radzimu ad fašysckaha źniavoleńnia, chto prynios čałaviectvu mir i svabodu, - zaviaščała jak zrenku voka bierahčy biaśpieku krainy, adznačyŭ jon. «My sapraŭdy hanarymsia tym, što Biełaruś u ciapierašniaj tryvožnaj abstanoŭcy pa pravu ličycca kutkom stabilnaści», - padkreśliŭ Alaksandr Łukašenka.
U hetym vialikaja zasłuha ludziej u pahonach, jakija zabiaśpiečvajuć pravaparadak i spakoj u hramadstvie, achoŭvajuć hranicy dziaržavy, procistajać złačynnaści, abaraniajučy žyćcio i ŭłasnaść hramadzian, pradoŭžyŭ kiraŭnik krainy. Samyja lepšyja pradstaŭniki siłavych struktur Biełarusi ŭdastojeny na siońniašniaj cyrymonii ordenaŭ «Za słužbu Radzimie» i miedaloŭ «Za adznaku ŭ voinskaj słužbie».
Ušanoŭvali siońnia ŭ Pałacy Niezaležnaści taksama dziejačaŭ kultury. Heta nievypadkova, pakolki biahučy hod abjaŭleny ŭ krainie Hodam kultury, nahadaŭ Alaksandr Łukašenka. Tamu takaja ŭvaha ŭdzielena ludziam tvorčaj śfiery, jakija ŭnosiać u žyćcio pryhažość i duchoŭnaść, raznastajnaść pačućciaŭ, što ŭzvyšajuć čałavieka i abudžajuć u im lepšyja jakaści. «Vaša tvorčaść zasłuhoŭvaje ŭsialakich pachvał i šyrokaha pryznańnia nie tolki ŭ Biełarusi, ale i daloka za jaje miežami. Vy z honaram pradstaŭlajecie roznyja formy, žanry mastactva, jakoje, pavodle trapnaha vykazvańnia vialikaha piśmieńnika Balzaka, źjaŭlajecca tvaram nacyi», - skazaŭ Łukašenka, źviartajučysia da prysutnych na cyrymonii dziejačaŭ kultury i mastactva.
Nie mienš dastojna na cyrymonii byli pradstaŭleny piedahohi - jak školnyja, tak i vuzaŭskija. Za paśpiachovaje ŭkaranieńnie efiektyŭnych mietodyk navučalnaha i vychavaŭčaha pracesu, jakich u mnohich škołach tak nie chapaje, adznačany vysokimi ŭznaharodami dyrektary minskich himnazij numar 4 i numar 13, nastaŭniki Maładziečanskaj himnazii numar 7, Vałožynskaj numar 1. Za plonnyja navukovyja raspracoŭki, paśpiachovuju piedahahičnuju dziejnaść pry padrychtoŭcy śpiecyjalistaŭ uznaharodžany pradstaŭniki Hrodzienskaha dziaržaŭnaha ŭniviersiteta imia Janki Kupały, Biełaruskaha dziaržaŭnaha ekanamičnaha ŭniviersiteta, Akademii kiravańnia pry prezidencie, Biełaruskaha nacyjanalnaha techničnaha ŭniviersiteta i Nacyjanalnaj akademii navuk.
«Asablivaj udziačnaści i pavahi zasłuhoŭvajuć lepšyja pradstaŭniki ajčynnaj miedycynskaj śfiery. Kłopat ab zdaroŭi ludziej - naš niaźmienny dziaržaŭny pryjarytet. I ŭ jaho realizacyi važnuju rolu adyhryvaje kvalifikavanaja rabota kožnaha źviana, kožnaj ustanovy sistemy achovy zdaroŭja», - skazaŭ Łukašenka. Alaksandr Łukašenka z zadavalnieńniem adznačyŭ pośpiechi ŭračoŭ minskich haradskich kliničnych balnic numar 9, numar 10, dziciačaj numar 3, Minskaj abłasnoj kliničnaj dziciačaj balnicy.
Kiraŭnik dziaržavy źviarnuŭ uvahu, što siarod uznaharodžanych jość pradstaŭniki i takich śfier dziejnaści, jak budaŭnictva i sielskaja haspadarka, dziaržaŭnaje kiravańnie, fizkultura i sport. «Heta śviedčyć ab tym, što Radzima cenić i padtrymlivaje kožnaha, chto ŭnosić dastojny ŭkład u ahulny dabrabyt. Ordeny, miedali i vysokija zvańni hetak ža, jak pašana i pavaha ŭ hramadstvie, zaŭsiody znachodziać svaich hierojaŭ», - zaŭvažyŭ Alaksandr Łukašenka.
U pačatku maja biełarusy adznačajuć važnyja, darahija i doŭhačakanyja śviaty: śvietły Vialikdzień, Pieršamaj, Dzień dziaržaŭnaha ściaha i hierba, Dzień Pieramohi, jaki Łukašenka nazvaŭ samaj važnaj i hałoŭnaj dziaržaŭnaj uračystaściu. Pa dobraj tradycyi da ich prymierkavana ŭručeńnie vysokich dziaržaŭnych uznaharod i ŭšanoŭvańnie lepšych ludziej krainy.
Alaksandr Łukašenka čarhovy raz padkreśliŭ, što hałoŭnaje bahaćcie Biełarusi - heta cudoŭnyja ludzi, jakija abaraniajuć rodnuju ziamlu, prasłaŭlajuć svaimi spravami maładuju suvierennuju dziaržavu. Kiraŭnik dziaržavy pavinšavaŭ prysutnych sa śviatami i zasłužanymi dziaržaŭnymi ŭznaharodami. Łukašenka pažadaŭ, kab jany stali stymułam dla novych pracoŭnych pośpiechaŭ, tvorčych dasiahnieńniaŭ. Jon taksama padziakavaŭ za ciopłyja słovy, jakija vykazvali ŭznaharodžanyja ŭ jaho adras, i harantavaŭ, što dziaržava akumuluje i vykarystaje vyniki ich pracy ŭ imia praćvitańnia rodnaj Biełarusi.-
Kamientary