Alaksandr Łukašenka i ministr zamiežnych spraŭ Rasii Siarhiej Łaŭroŭ siońnia na sustrečy ŭ Minsku abmierkavali biełaruska-rasiejskija adnosiny, intehracyjnyja pytańni i mižnarodnaje stanovišča.
«Čarhovy raz jość mahčymaść abmierkavać i kankretyzavać niekatoryja pytańni, prablemy, mahčyma, jakija ŭźnikajuć u adnosinach pamiž dźviuma dziaržavami», — skazaŭ Łukašenka ŭ pačatku sustrečy.
Jon adznačyŭ, što zusim niadaŭna biełaruska-rasijskija adnosiny abmiarkoŭvalisia ŭ Mahilovie na pasiadžeńni sajuznaha Saŭmina, a taksama padčas jaho dvuchbakovaj sustrečy z premjer-ministram Rasii Dźmitryjem Miadźviedzievym. «My ŭ siabroŭskaj atmaśfiery mahli abmierkavać usie pytańni. Zakrytych tem u nas niama. U nas vielmi adkrytyja adnosiny z premjer-ministram Rasii. Tamu my dastatkova ŭvažliva, nakolki heta było mahčyma ŭ tym farmacie, prahavaryli niekatoryja pytańni», — skazaŭ biełaruski lidar.
Łukašenka asabliva padkreśliŭ jakasny charaktar uzajemadziejańnia zamiežnapalityčnych viedamstvaŭ dźviuch krain. «Kali b u nas usie ministerstvy tak ŭzhodniena pracavali, napeŭna, u nas by nie było nijakich prablem», - adznačyŭ jon.
Alaksandr Łukašenka prapanavaŭ Siarhieju Łaŭrovu abmierkavać budučyniu biełaruska-rasijskich adnosin, intehracyju ŭ farmacie Jeŭrazijskaha ekanamičnaha sajuza z ulikam majučaj adbycca 31 maja sustrečy na samym vysokim uzroŭni. «Chaciełasia b pačuć vašyja acenki i pa niekatorych mižnarodnych prablemach, asabliva pa Ukrainie, Siryi. Kab vy, moža być, navat uviali mianie ŭ kurs spravy pa niekatorych padziejach apošniaha času, kab my viedali, jak kaardynavać i karektavać svaju pazicyju pa tych ci inšych pytańniach», — zajaviŭ kiraŭnik dziaržavy.
Łaŭroŭ: Rasija i Biełaruś zakłapočanyja pašyreńniem NATA na ŭschod
Makiej — Łaŭrovu: U Biełarusi i Rasii niama razychodžańniaŭ ŭ dvuchbakovych adnosinach
Kamientary