Rasija padzialaje zakłapočanaść Biełarusi z nahody pašyreńnia NATA na ŭschod, zajaviŭ žurnalistam 16 maja ŭ Minsku ministr zamiežnych spraŭ RF Siarhiej Łaŭroŭ paśla pieramoŭ ź biełaruskim kaleham Uładzimiram Makiejem i prezidentam Alaksandram Łukašenkam.
«My padzialajem zakłapočanaść u suviazi z tym, što našy kalehi z krain NATA sprabujuć nahniatać kanfrantacyju, pierasoŭvajučy napierad infrastrukturu na ŭschod, blizka da našych miežaŭ, — skazaŭ Łaŭroŭ. — Vy viedajecie, jak hetyja pytańni abmiarkoŭvajucca, nakolki sprabujuć nahniatać emocyi. I Rasija, i Biełaruś nie prychilniki padobnaj kanfrantacyjnaj linii — my vystupajem za toje, kab u Jeŭropie abmiarkoŭvalisia i vykonvalisia pryncypy roŭnaj biaśpieki dla ŭsich».
U svaju čarhu kiraŭnik MZS Biełarusi Uładzimir Makiej, kažučy pra biaśpieku ŭ Jeŭropie, zajaviŭ:
«Ciapier našy zachodnija partniory viaduć havorku pra niejkija dadatkovyja raźmiaščeńni vajskovych kantynhientaŭ u šerahu krain, jakija źjaŭlajucca našymi susiedziami. My heta razhladajem jak patencyjny vyklik u ramkach našaj Sajuznaj dziaržavy».
Jak zaznačyŭ Makiej, Biełaruś i Rasija adkryta kažuć svaim jeŭrapiejskim partnioram «pra nieprymalnaść raźmiaščeńnia dadatkovych voinskich kantynhientaŭ». Ciapierašniaja situacyja la ŭschodnich rubiažoŭ NATA, pavodle jaho słoŭ, nie spryjaje zabieśpiačeńniu bolšaj biaśpieki na Jeŭrapiejskim kantyniencie. «My damovilisia prapracoŭvać ułasnyja adekvatnyja miery reahavańnia», — udakładniŭ kiraŭnik MZS Biełarusi.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty41
Kamientary