Ministr vodnych resursaŭ Indyi Uma Bcharata zajaviła, što kraina maje namier realizavać prajekt pa pierakidcy častki ścioku bujnych rek u zasušlivyja rajony.
Pavodle acenak urada, z-za zasuchi naŭprost ci ŭskosna pakutujuć kala 330 miljonaŭ indyjcaŭ.
U pačatku maja ŭ Indyju pryjšła chvala vysokich tempieratur — u šerahu rajonaŭ słupok termomietra padniaŭsia vyšej za 40 hradusaŭ pavodle Celsija.
Zhodna z prajektam ministerstva, vadu dla zasušlivych rajonaŭ mohuć uziać z najbujniejšych rek — Brachmaputry i Hanha, a taksama z himałajskich lednikoŭ.
Ekołahi vystupajuć kateharyčna suprać realizacyi hetaha prajekta, papiaredžvajučy pra mahčymuju ekałahičnuju katastrofu. Pa słovach abaroncaŭ navakolnaha asiarodździa, nie było praviedziena nivodnaha daśledavańnia adnosna budučyni rek, ź jakich ŭrad płanuje advieści vadu.
Ekanamisty kažuć pra vysokija vydatki na pierasialeńnie žycharoŭ z rajonaŭ, dzie budzie vieścisia budaŭnictva. Adnak Viarchoŭny sud Indyi padtrymaŭ inicyjatyvu ŭładaŭ.
«Nasielnictva padtrymlivaje prajekt i z radaściu hatova pierasialicca», — zajaviła Bi-bi-si ministr vodnych resursaŭ.
Kamientary