Mer Dnieprapiatroŭska Barys Fiłataŭ paprasiŭ staršyniu Viarchoŭnaj rady Ukrainy nie padpisvać pastanovu ab pierajmienavańni horada.
Ab hetym paviedamlajecca na sajcie kiraŭnika horada.
«Adzinaje, što zastajecca haradskomu hałavu, — prasić spadara Parubija nie padpisvać hetuju pastanovu. Ja źviarnuŭsia da jaho z takoj prośbaj. Pahladzim, ci vykanaje», — zajaviŭ Fiłataŭ, čyje słovy pryvodziacca ŭ paviedamleńni. Jon adznačyŭ, što ŭsio jašče zastajecca meram Dnieprapiatroŭska, a nie Dniapra.
Fiłataŭ padkreśliŭ, što Dnieprapiatroŭsk zachavaje svaju nazvu jak minimum da pryniaćcia biudžetu na nastupny hod, bo heta zamacavana ŭ zakonie.
19 maja deputaty Rady prahałasavali za pierajmienavańnie Dnieprapiatroŭska ŭ Dniapro. Heta rašeńnie było pryniata ŭ ramkach zakona ab dekamunizacyi.
Kamientary