Nasuprać Pałaca Respubliki ŭ Minsku pry padzieńni z dachu raźbiŭsia małady chłopiec
U samym centry biełaruskaj stalicy, na Kastryčnickaj płoščy, a dakładniej — na rahu praśpiekta Niezaležnaści i vulicy Enhielsa, siońnia, 19 červienia, zahinuŭ małady chłopiec. Pa śviedčańni vidavočcaŭ, jon zvaliŭsia z dachu doma №23 pa praśpiekcie Niezaležnaści.
Na vyhlad chłopcu, jaki zahinuŭ, było 20—25 hadoŭ, apranuty byŭ u futbołku i šorty. Trup lažaŭ na davoli značnaj adlehłaści ad budynka, i na im była nievialikaja sumka cieraź plačo — takija časam vykarystoŭvajucca dla pieranoski fotakamier. Chutčej za ŭsio, jon zvaliŭsia z dachu, a nie vyskačyŭ cieraz akno.
— Prykładna a 16:00—16:05 ja pačuŭ huk, byccam štości šlopnułasia, — raspavioŭ sajtu BY24.ORG vidavočca zdareńnia. — Adrazu ž ubačyŭ chłopca, jaki lažaŭ na tratuary. Na toje, što adbyłosia, vokamhnienna adreahavali supracoŭniki AMAP, jakija pastajanna patrulujuć dadzieny rajon. Jany za ličanyja siekundy padbiehli i pačali akazvać pieršuju dapamohu, adnačasova vyklikajučy pa racyi miedykaŭ. Nieŭzabavie prybyła i bryhada chutkaj dapamohi. Daktary sprabavali źniać kardyjahramu. Adnak zatym pavolna zharnuli ŭsie prybory i nakryli jaho cieła tkaninaj — dapamahčy chłopcu było ŭžo niemahčyma.
Pryčyny trahiedyi pakul zastajucca nieviadomymi — u ich raźbirajucca supracoŭniki staličnaj milicyi, Śledčaha kamiteta i Dziaržkamiteta sudovych ekśpiertyz. Vulica Enhielsa była ačeplena, a prachod i prajezd pa joj pierakryty kala budynka «Biełtelekama».
U jakaści adnoj ź viersij možna razhladać tuju, što zahinuły małady čałaviek moh być rufieram — heta ludzi, jakija zachaplajucca łažańniem pa dachach i fatahrafavańniem horada z vyšyni. Miž tym, nijakaj fotakamiery na miescy zdareńnia nie było. Jość vierahodnaść, što heta samahubstva.
Bolš padrabiaznuju infarmacyju varta čakać ad pres-słužbaŭ staličnych siłavych viedamstvaŭ.
Uviečary źjaviłasia infarmacyja pra toje, što zahinuły — žychar Klecka 1983 hoda naradžeńnia. Pra heta raspavioŭ BiełTA pres-sakratar HUUS Minharvykankama Alaksandr Łastoŭski. Milicyja ŭžo adšukała svajakoŭ niabožčyka i apaviaściła ich. Adpracoŭvajucca ŭsie mahčymyja viersii hibieli.
Viadoma, što chłopiec u apošni čas žyŭ pad Minskam u Baraŭlanach, dzie najmaŭ žyllo.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary