Adukacyja.info ładzić treninh dla adukataraŭ i tych, chto pracuje z moładździu, 30-31 lipienia ŭ Hrodnie.
Da ŭdziełu zaprašajucca nastaŭniki starejšych kłasaŭ škoły, kaledžaŭ dy VNU, vykładčyki niefarmalnych kursaŭ i ŭstanoŭ dadatkovaj adukacyi, moładzievyja pracaŭniki. Asablivaja pieravaha pry adbory budzie addadziena adukataram z małych haradoŭ i viosak.
U prahramie:
- Novyja trendy ŭ adukacyi (navyki 21 stahodździa, hiejmifikacyja, masavyja anłajn-kursy, źmiašanaja i samakirujemaja adukacyja, mientarstva);
- Miedyjapiśmiennaść dy mahčymaści internetu dla adukacyi;
- Pryhožaja vizualizacyja adukacyjnych materyjałaŭ;
- Outdoor-adukacyja (adukacyja na śviežym pavietry);
- Adukacyjnyja mahčymaści dla biełaruskich navučencaŭ i nastaŭnikaŭ;
- Kansultacyi pa padrychtoŭcy akademičnych i prafiesijnych reziume (CV) i matyvacyjnych listoŭ;
- Asobny błok dla nastaŭnikaŭ zamiežnych moŭ: kansultacyi pa asablivaściach padrychtoŭki da mižnarodnych moŭnych testaŭ TOEFL i IELTS.
Hety treninh dla Vas, kali:
- Praca z moładździu dla Vas niešta bolšaje, čym pravieści svoj zaniatak i raźvitacca z vučniami da nastupnaha razu;
- Vy imkniaciesia avałodać najnoŭšymi mietodykami praviadzieńnia zaniatkaŭ;
- Vy žadajecie daviedacca bolš pra isnujučyja mahčymaści adukacyi i stažyrovak za miažoj i ŭ Biełarusi;
- Vy žadajecie vyrašyć prablemy svaich navučencaŭ, zasvoiŭšy pracu ź mini-prajektami;
- Vy chočacie zavieści kantakty sa svaimi kalehami ź inšych kutkoŭ krainy.
Finansavyja ŭmovy: Udzielnikam pakryvajucca vydatki na darohu, pražyvańnie dy charčavańnie.
Viadučyja treninhu – daśviedčanyja adukatary, treniery, vykładčyki, vypuskniki biełaruskich i zamiežnych prahram.
Treninh budzie prachodzić 30—31 lipienia 2016 u Hrodnie.
Dla ŭdziełu ŭ treninhu nieabchodna zapoŭnić karotkuju apytanku da 5 lipienia 2016.
Pra vyniki adbora budzie viadoma 10 lipienia 2016.
Pahladzieć, jak prachodziŭ treninh u minułym hodzie, možna tut, pačytać uražańni ŭdzielnikaŭ – u błohu.
Kamientary