Amierykanski repier Kańje Uest vypuściŭ novy klip «Famous», u jakim śpiavak vykarystaŭ vobrazy znakamitych ludziej. U klipie «Famous» źjavilisia ludzi, z kim Kańje abo jaho žonka Kim Kardašjan mieli kanflikt.
Videa 16+:
Prychilniki Kańje adšukali pryčyny, pa jakich śpiavak vykarystaŭ ich cieły ŭ svaim klipie:
Džordž Buš-małodšy — Kańje Uest paśla ŭrahanu 2005 hoda ŭ Novym Arleanie pačaŭ zajaŭlać u presie, što ŚMI pakazvajuć afraamierykancaŭ ŭ niehatyŭnym śviatle, a prezident Buš ich i zusim nie lubić. Sprava ŭ tym, što mnohija paciarpiełyja ad urahanu — afraamierykancy, jakim daviałosia doŭhi čas čakać dapamohi ad uładaŭ.
Channa Vintur — u 2013 hodzie jana publična zajaviła, što horš za Kim Kardašjan mohuć być tolki škarpetki z sandalami.
Donald Tramp — u internecie kandydata ŭ prezidenty časta abvinavačvali ŭ rasiźmie. Kańje svaim klipam moža sapsavać imidž Trampa napiaredadni vybaraŭ.
Ryjana i Krys Braŭn — skandalnaja para, jakaja mahła nie davać spakoju śpievaku. U 2009 hodzie Krys źbiŭ Ryjanu prosta pierad cyrymonijaj uručeńnia «Hremi», što stała pryčynaj ich rasstańnia. U klipie Ryjana padpiavaje Kańje ŭ niekatorych momantach. Pry hetym Krys Braŭn abvierh svoj udzieł u klipie.
Tejłar Śvift — u 2009 hodzie na premii MTV Kańje ledź nie vychapiŭ uznaharodu śpiavački, skazaŭšy, što pieramohi vartaja Biejonse. Kanflikt ciahnuŭsia vielmi doŭha i zaviaršyŭsia prymireńniem, ale, vidać, zastaŭsia asadak.
Kim Kardašjan — skandalnaja žonka Kańje. Jana nie mahła tam nie być.
Rej Džej — były kachany Kim Kardašjan, tamu ŭ klipie jon i lažyć kala jaje. Ich adnosiny skončylisia vialikim skandałam. A ŭsio tamu, što ŭ 2007 hodzie źjaviłasia «chatniaje videa». Kim ličyć, što apublikavaŭ heta videa mienavita Rej.
Embier Roŭz — byłaja dziaŭčyna Kańje Uesta. Uest časta adznačaŭ u presie, što jaho raman z Roŭz i zrabiŭ jaje papularnaj.
Kiejtlin Dženier — była viadomaja jak spartsmien Brus Dženier. Razam z maci Kim Kardašjan jany palivali jaje brudam.
Bił Kośbi — u svoj čas akciora abvinavačvali ŭ šmatlikich zhvałtavańniach. Kańje ŭ svaim tvitary napisaŭ, što ličyć Kośbi nievinavatym. Za hety post na Uesta abrynułasia krytyka, ale ŭ 2015 hodzie Biła adpuścili pad zakład.
Abahulniajučy ŭsich tych, kaho śpiavak vykarystaŭ u klipie, možna prykmiecić, što mienavita skandalnaść stała pryčynaj, kab Kańje Uest pakazaŭ tuju ci inšuju asobu ŭ svaim klipie aholenaj. Śpiavak zajaviŭ, što čakaje sudovych pazovaŭ ad tych, chto trapiŭ u kadr u jaho novym klipie.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary