Za dramaj vyratavańnia barysaŭskaha kata z dreva sačyli tysiačy ludziej
U niejki momant na drevie zachrasła i haspadynia.
U siecivie zavirusiłasia videa, jak u Barysavie zdymali kata z dreva — jano sabrała 7,4 miljona prahladaŭ. Na videa źviarnuŭ uvahu mlyn.by.
Tyhrys, tak zavuć rudoha kata, zalez na dreva i nie spuskaŭsia. Jahonaja haspadynia Nastaśsia vyrašyła prymanić kata z dapamohaj łajfchaka: kupiła ŭ aptecy valarjanku i vyliła pad dreva. Nie dapamahło.
Tady dziaŭčyna vyrašyła zabracca na dreva sama. Ale nie tolki kata nie źniała, ale i sama nie zmahła źleźci. Daviałosia vyklikać MNS.
Ratavalniki pryjechali davoli chutka, źniali Nastaśsiu. A kot, spałochaŭšysia šumu, ludziej i aŭtavyški, irvanuŭ jašče vyšej, tudy, kudy technika nie dastanie. Ratavalniki supakoili dziaŭčynu i paraili nie pieražyvać: rana ci pozna źlezie.
Dziaŭčyna praciahvała čakać Tyhrysa pad drevam. Zamoviła pryvatnuju aŭtavyšku, zapłaciła 65 rubloŭ.
Tolki aŭtavyška padjechała, a ludzi pačać padbiracca da kata, jak Tyhrys staŭ spuskacca sam.
Da hetaha momantu ŭnizie sabraŭsia ŭžo ceły natoŭp. Niekalki mužčyn na ŭsialaki vypadak raściahnuli kurtku, kab złavić žyviolinu.
Kot spuskaŭsia ŭsio nižej i nižej — i za mietr da ziamli rezka sihanuŭ u bok, abminuŭ kurtku i praśliznuŭ pamiž noh.
Nastaśsia znajšła Tyhrysa praź niekatory čas na susiedniaj vulicy — žyvoha i zdarovaha.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1212
Kamientary