Ameryka narešcie krytykuje Rasieju

Nu, dačakalisia… Vice-prezident ZŠA Dzik Čejni razraziŭsia krytykaj u bok Rasii na niadaŭniaj kanfierencyi ŭ Vilni. Badaj, heta pieršy raz, kali taki vysoki amierykanski čynoŭnik krytykuje Rasiju za adsutnaść demakratyi i parušeńnie pravoŭ čałavieka z taho času, jak Džordž Dabja Buš pahladzieŭ u vočy Pucinu i pabačyŭ tam jaho drobnuju KDBiscskuju dušonku…

Cytuju pa Chartyi- 97

V čietvierh vicie-priezidient Dik Čiejni (Dick Cheney) ot imieni administracii Buša vyskazał samyje žiestkije na siehodniašnij dień zamiečanija v adries Rośsii. On skazał, čto rośsijskoje hosudarstvo «niespraviedlivo i niepravomierno ohraničivajet» prava čiełovieka, a takžie sdiełał priedpołožienije o tom, čto ono striemitsia osłabiť svoich sosiediej i ispolzujet svoi ohromnyje nieftianyje i hazovyje riesursy v kačiestvie «instrumientov zapuhivanija i šantaža».

Aha, a piać hod hetaha nie zaŭvažali…

Čejni, kaniešnie, maładziec. Pamiž inšym, jon byŭ adzinym u administracyi Buša-starejšaha, jaki ličyŭ, što raspadu SSSR bajacca nia treba. Dyk što, naš čałaviek daŭno ŭžo. Krytyka padajšła akurat da samitu G-8 u Skarynahradzie, adnak, abnadziejvacca nia treba. Pa-pieršaje, vystup Čejni-heta mahčyma prosta sproba ŭkałoć Kondzi Rajs, jakaja ŭ administracyi Dabji Buša - pieršaja rusafiłka, što b tam ni pisali rasiejskija haziety. Zaraz u Biełym domie idzie vialikaja paddyvannaja baraćba suprać Kandalizy, raźviazanaja bušaŭskaj staraj hvardyjaj i najpierš Čejni (kab nie daj boh nie lezła ŭ prezidenty, pamiž inšym). Dyk što Dzik moža prosta stvarać joj zapadlanki napiaredadni samitu. Pa-druhoje, treba było dačakacca, kab pačać krytykavać Rasiju ŭ toj momant, kali jana, litaralna kažučy, načchać chacieła. Kali, jak u tym aniekdocie, «babła niamierana», to padobnyja vypady možna prosta ihnaravać, vysoŭvać abvinavačvańni ŭ padvojnych standartach i hetak dalej. Nafta i košty na jaje prykryvajuć nie tolki Rasieju, ale i inšyja antyzachodnija dyktatury, takija, jak Iran, Vieniesuełu…

Tak što, bajkotu samitu ŭ Skarynahradzie nie budzie. Pozna razharnulisia. I navat kali b jon byŭ, vynik byŭ by badaj minimalny. Padobnyja kłuby - heta chutčej pakazucha dla suśvietnaj supolnaści i mahčymaść paščyravać u kazyrnaj kampanii. Na ich nikoli niejkich fundamientalnych pytańniaŭ nie rašajecca. Kali ž patrebnaja vialikaja pijar-nahoda, kab vykazać Pucinu, čaho varty jon sam i jaho padtrymka Łukašenki, to naadvarot - treba jechać i vykazvać. Demanstratyŭna spynicca pa darozie ŭ Kijevie ci Tbilisi. Zaprasić biełaruskich apazicyjanieraŭ i byłych viaźniaŭ. Davać intervju niezaležnym miedyjam. I hetak dalej. Raniej treba było pačynać.

Što jašče? Damovicca ź Jeŭrapiejcami i pastavić Rasieju pierad faktam: jašče adzin vybryk z hazavym šantažom - i zachad stvaraje «enierhietyčnaje NATO» i błakuje rasiejskaje siabroŭstva ŭ Suśvietnaj handlovaj arhanizacyi. Navohuł, pytańni enierhietyčnaj biaśpieki i prasoŭvańnia demakratyi siońnia ŭzajemaźviazany jak nikoli. Niadaŭna ŭ časopisie Foreign Policy byŭ cikavy artykuł viadomaha ekanamista Tomasa Frydmana pra zaležnaść pamiž raspaŭsiudžvańniem demakratyi i koštam na naftu. Advarotnaj zaležnaściu, kaniešnie. Biełarusi ad padobnych hłabalnych pytańniaŭ pakul nie choładna nie śpiakotna, ale ŭ bolš šyrokim sensie, ad taho, ci znojdzie Zachad doŭhaterminovaje supraćjadździe rasiejskamu naftahazavamu šantažu, zaležyć šmat. Pasprabuju ab hetym niejak napisać.

Pakul što, hałoŭnaje, što mohuć zrabić ZŠA i inšyja zachodnija dziaržavy na samicie G-8 dla Biełarusi - heta dać zrazumieć Pucinu, što jamu mohuć kaštavać płany pa aneksii Biełarusi. Zaraz heta navat bolš važna, čym sam Łukašenka. A to Čejni kaža, što «ŭ volnaj i adzinaj Jeŭropie niama miesca takomu režymu», a potym vyśvietlicca, što niama miesca ani režymu, ani krainie…

Falksvahien

• 0
• 0
• 0
• 0
• 0
• 0
• 0
• 0