«Čamu ja nacyjanalist i jaki sens maje hety termin dla mianie»

Pa prafiesii dy pa žyćci ja fizik, tamu mianie cikavić raźvićcio Suśvietu i jaho častak jak na makra-, tak i na mikraŭzroŭni.

Biezumoŭna, kožnaja kraina – heta ničoha nie vartaja drobnaja drobiaź u paraŭnańni z hałaktykaj i dalej. Tamu i moža ŭźniknuć pytańnie da fizika – a čamu ž ty tady nacyjanalist? Kali kazać z pazicyi fizika, to matyŭ nastupny. Ciaham času čałaviectva biezumoŭna budzie pašyrać areał isnavańnia (kaniešnie havorka idzie nie pra adno stahodździe), pieradumovy dla hetaha krychu bačnyja.

My ŭžo mahli b być płanietarnaj cyvilizacyjaj prynamsi pieršaha typu (što ja kaniešnie ž chacieŭ by pabačyć), ale ž lanota nas pakul strymlivaje (ja nie padzialaju ludziej na razumnych i nie, na mužnych i bajaźliŭcaŭ i d.t.p., a tolki na łajdakoŭ i nie).

Kožnaja sistema (choć i byvajuć vyklučeńni), a čałaviectva taksama sistema, bolš ustojlivaja i chutčej raźvivajecca, kali jakaść jaje asobnaha elemienta vysokaja. Tamu płanietarnaja cyvilizacyja budzie bolš ustojlivaja i raźvitaja, kali bolš raźvitymi buduć asobnyja krainy.

Kali kazać z pazicyi čałavieka, to i tut ja za raźvićcio ŭłasnaj krainy, a nie chucieńkaje ŭvachodžańnie ŭ JEAS, ES dy inšyja sajuzy.

Čamuści kali brat žyvie za košt brata heta ličycca błahim, a kali cełaja dziaržava – usie dobra. Nonsens. Karaciej – treba ŭstojliva raźvivacca samim.

Kali kazać pra abjadnańni dziaržaŭ, to jano tolki tady budzie ŭstojlivym, kali dziaržavy supastaŭnyja pa ekanomicy, nasielnictvu, i navat kultury. Tamu abjadnańnie Biełarusi i Rasii nie spryjaje raźvićciu. A voś, naprykład, z bałckimi krainami – tak. I jašče raz nahadaju – palityka tut nie pryčym, tolki zvyčajnaja teoryja sistem.

Z Rasijaj moža abjadnacca praz peŭny čas (nie pry maim žyćci), naprykład, błok, pra jaki apošnim časam davoli mnoha idzie havorak, Mižmorje. I hetak dalej – tolki abjadnańnie roŭnych, inakš heta pahłynańnie, što nie spryjaje raźvićciu (choć łakalnyja vyklučeńni mohuć adbyvacca).

Što tyčycca sensu słova nacyjanalist (dla mianie). Pa-pieršaje, heta rabić dla svajoj krainy toje, što spryjaje jaje ŭstojlivamu raźvićciu, kab jana zajmała «svoj pačesny pasad». Mienavita rabić, a nie kryčać paŭsiul i bić tvar tym, chto kaža, što kraina naša «nie vielmi».

Ja nieadnojčy tut užyvaŭ termin «ustojlivy» i heta nie dla pryhožaha słova, a maje vialikaje značeńnie. Možna łakalna raźvivacca i budzie vyhladać, što ŭsio vielmi dobra, ale ŭ pierśpiektyvie – usio laśnie. Heta na sto adsotkaŭ ułaściva dla sučasnaj Biełarusi.

Ustojlivaje ž raźvićcio – heta raźvićcio nie tolki našaje, ale i našych naščadkaŭ (na jakich my ciapier afarmlajem finansavyja abaviazki).

Kali ty nacyjanalist, to pavinien pavažać historyju svajoj dziaržavy. Mienavita pavažać. Mnie nie zrazumiełyja takija frazy, jak «ja hanarusia našaj historyjaj, krainaj (i biez roźnicy – BSSR, SSSR, VKŁ, RP i inš.), hanarusia pieramohaj (znoŭ, biez roźnicy, u VAV, u Aršanskaj bitvie i inš) i d.t.p.». Hanarycca možna tym, što zrabiŭ sam (nu moža jašče tvaje naščadki), ale nie tym, da čaho ty nie maješ dačynieńnia. Tyja, chto ŭžyvajuć takija frazy, u maim razumieńni, nie zaŭsiody nacyjanalisty, choć i ličać siabie (kaniešnie ja maju na ŭvazie tych, chto kaža ja «hanarusia VKŁ, BNR» i d.t.p.), tamu jak u maim razumieńni

nacyjanalizm – heta raźvićcio, ruch napierad, a nie tolki zachavańnie histaryčnaj vieličy i dałučeńnie da hetaj vieličy

(choć da taho, što zrabili našyja prodki jany dačynieńnia nie majuć). Tak nacyjanalist (na moj pohlad) historyju pavažaje i zachoŭvaje, ale ž ruchajecca napierad. U hetym sensie ŭ mianie ambivalentnaje staŭleńnie da vyšyvanak. Z adnaho boku – jana maje vieličnaje značeńnie jak faktar ci simvał adroźnieńnia ad Rasii ŭ suviazi ź viadomymi padziejami. Z druhoha, było b lepiej, kali b my ŭtvaryli novy, ułasna biełaruski simvał. Tym samym i zachavali b adroźnieńnie i ŭzbahacili našu kulturu.

Kab było zrazumieła: ja nacyjanalist, a nie nacyst. Ja nie liču, što biełarusy samaja vydatnaja nacyja ŭ śviecie.

Ja liču, što treba namahacca, kab biełarusy stali dobraj suśvietna viadomaj nacyjaj nie za košt prynižeńnia inšych nacyj, a za košt ułasnaha raźvićcia.

I ja nacyjanalist, tak by mović, na dziaržaŭnym padmurku, a nie na hienietyčnym.

Dla mianie, naprykład, Andruś Takidanh bolšy biełarus, čym jaki-niebudź Jaś Burštyn, što ni movy nie viedaje, ni historyi dalej za ŭtvareńnie SSSR, i bačyć svajo žycie tolki ŭ zachavańni status kvo (čarka i škvarka).

Viadoma, što atajasamleńnie terminaŭ nacyjanalist i nacyst – heta fiška Rasii. Ale ž jość vyklučeńnie – kali nacyjanalist rasijski, to heta nacyjanalist, kali ź inšaj krainy, to nacyst. Usim ja tak dumaju zrazumieła, čamu heta tak. Jak zrazumieła, čamu heta častkova nazirajecca i na biełaruskim TB (choć apošnim časam i mieniej, čym raniej).

Karaciej: dla mianie nacyjanalizm – heta ŭłasnaje raźvićcio i raźvićcio krainy i, tym samym, raźvićcio čałaviectva.

Voś tak, zdajecca aksiumaran (nacyjanalist za hłabalnaje raźvićcio), a nie – usio jak maje być :) (kali karystacca maimi aznačeńniami). Takim čynam ja i internacyjanalist. Ale heta norma – nielha być internacyjanalistam, kali ty nie nacyjanalist - nielha lubić usie krainy, kali ty nie lubiš svaju.

Biezumoŭna ŭ kožnaha svajo tłumačeńnie, ale ž majo voś takoje… Kaniešnie nie całkam rastłumačyŭ, nu choć tak.

• 0
• 0
• 0
• 0
• 0
• 0
• 0
• 0