Napad na ŭstanovu ŭ Sahamichary (pryharad Tokia), dzie pražyvali ludzi z abmiežavanymi razumovymi mahčymaściami, adbyłosia kala 02:30 u aŭtorak. U hety čas u pansijanacie znachodzilisia vosiem supracoŭnikaŭ, a taksama adzin achoŭnik. Taksama tam mahli być kala 150 pastajalcaŭ va ŭzroście ad 18 da 75 hadoŭ.
Pa papiarednich dadzienych, mužčyna pryjechaŭ da ŭstanovy na čornaj mašynie i prakraŭsia ŭ žyły korpus, raźbiŭšy małatkom akno na pieršym paviersie. Z saboj jon prynios sumku z nažami.
Ułady paćvierdzili hibiel 19 čałaviek, va ŭzroście ad 18 da 70 hadoŭ, siarod ich dzieviać mužčyn i 10 žančyn. Stan jašče 20 paciarpiełych aceńvajecca jak ciažki. Paranienyja dastaŭleny ŭ niekalki balnic Tokia, niekatoryja znachodziacca biez prytomnaści.
Japoniec, jaki ŭstroiŭ raźniu, 26-hadovy Satosi Uemacu, pracavaŭ u hetaj ustanovie sa śniežnia 2012 hoda i zvolniŭsia ŭ lutym hetaha hoda pa asabistych pryčynach.
Uemacu aryštavany pa aficyjnym padazreńni ŭ sprobie zabojstva i niezakonnym praniknieńni ŭ pamiaškańnie. Pa słovach śledčych, jon vykazvaŭ niepryjaznaść da ludziej z abmiežavanymi mahčymaściami i žadańnie «pazbavicca ad ich».
Jak zajaviŭ na pres-kanfierencyi ŭ Tokao hienieralny sakratar kabinieta ministraŭ Japonii Josichide Suha, nijakaj infarmacyi ab mahčymaj suviazi Uemacu ź isłamisckimi ekstremistami niama.
Praz prykładna hadzinu paśla napadu Uemacu źjaviŭsia ŭ palicejski ŭčastak i pryznaŭsia ŭ tym, što zładziŭ raźniu.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary