U Minsku naličanaja siaredniaja zarpłata ŭ červieni skłała 10 młn. 454,7 tys. rubloŭ, paviedamiła hałoŭnaje statystyčnaje ŭpraŭleńnie stalicy. Pry hetym realnaja zarpłata (z ulikam rostu cen) za hod źniziłasia na 1,3%.
Samuju vysokuju zarpłatu atrymali ŭ Pieršamajskim rajonie stalicy — 12 młn. 530,9 tys. rubloŭ, samuju nizkuju — u Frunzienskim — 9 młn. 280 tys. U Zavodskim rajonie zarpłata skłała 10 młn. 976,9 tys., u Leninskim — 9 młn. 596,7 tys., Maskoŭskim — 9 młn. 629,7 tys., Kastryčnickim — 9 młn. 403,7 tys., Partyzanskim — 9 młn. 308 tys., Savieckim — 11 młn. 751,8 tys., Centralnym — 11 młn. 288,6 tys. rubloŭ.
U Minsku pa-raniejšamu samuju vysokuju zarpłatu atrymlivajuć IT-śpiecyjalisty. U červieni 2016 hoda siaredniaja zarpłata śpiecyjalistaŭ, dziejnaść jakich źviazanaja ź infarmacyjnymi technałohijami, skłała 40 młn. 420 tys. rubloŭ.
U liku najbolš vysokaapłatnych: rabotniki pavietranaha transpartu — 19 młn. 32,4 tys.; finansisty i strachoŭščyki — 14 młn. 629,1 tys. rubloŭ; rabotniki telekamunikacyjnaj śfiery — 14 młn. 189,5 tys.; rabotniki naftavaj pramysłovaści — 14 młn. 33,3 tys.; architektary, buchhałtary i jurysty — 12 młn. 556,1 tys. rubloŭ.
Minimalnaja zarpłata ŭ stalicy ŭ sacyjalnych rabotnikaŭ — 5 młn. 144,2 tys. rubloŭ, rabotnikaŭ biblijatek, archivaŭ, muziejaŭ — 5 młn. 335,9 tys. rubloŭ, a taksama tvorčych — 6 młn. 36,5 tys. i rabotnikaŭ lohkaj pramysłovaści — 6 młn. 44,4 tys. rubloŭ.
U červieni ŭ staličnaj pramysłovaści siaredniaja zarpłata skłała 8 młn. 990,2 tys. rubloŭ, u budaŭnictvie — 9 młn. 920,8 tys., na transparcie — 9 młn. 805,5 tys., u sielskaj, lasnoj i rybnaj haspadarcy — 8 młn. 239,2 tys., roźničnym handli — 8 młn. 409,4 tys., adukacyi — 6 młn. 682,2 tys. Siaredni zarobak rabotnikaŭ achovy zdaroŭja ŭ červieni składaŭ 8 młn. 96,9 tys. rubloŭ.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary