Niezvyčajny instahram-akaŭnt: jak vyhladajuć siadzieńni ŭ transparcie pa ŭsim śviecie
Francuzski režysior Žuljen Potar robić fatahrafii siadzieńniaŭ u hramadskim transparcie pa ŭsim śviecie i publikuje ich u instahram-akaŭncie idontgiveaseat, piša The Huffington Post.
Potar viadzie akaŭnt užo paŭtara hoda, napaŭniajučy jaho zdymkami abiŭki siadzieńniaŭ u aŭtobusach, tramvajach i ciahnikach ŭ roznych haradach śvietu. «Ideja pryjšła da mianie padčas kamandzirovak i adpačynkaŭ. Ja zaŭvažyŭ, što kožny aŭtobus i vahon mietro maje svoj ułasny malunak abiŭki siadzieńnia. Mnie vielmi spadabałasia šukać novyja malunki i razhladać ich», — raspavioŭ Potar.
Zaraz u idontgiveaseat možna ŭbačyć fota siadzieńniaŭ hramadskaha transpartu Łos-Andželesa, Tokia, Palerma, Ryma, Paryža, Kijota i mnohich inšych haradoŭ. U kalekcyi kala 100 roznych varyjantaŭ. Spačatku Potar publikavaŭ tolki svaje fota, a ciapier navinki jamu dasyłajuć nie tolki siabry, ale i nieznajomyja ludzi.
«Ja da hetaha času nie zaśniaŭ usie ciahniki, mietro, aŭtobusy i tramvai ŭ śviecie. I ja rady, što moj prajekt staŭ sumiesnym», — kaža fatohraf.
Biełarusam taksama jość čym uzbahacić niezvyčajnuju kalekcyju francuzskaha režysiora, dziakujučy šmatlikaj pradukcyi miascovych transpartnikaŭ. Dałučajciesia i vy!
Ciapier čytajuć
Łatvija «pa techničnych pryčynach» zakryła miažu ź Biełaruśsiu13
Kamientary