Z‑za niapravilna aformlenych dakumientaŭ i istotnych nieadpaviednaściaŭ u pakazańniach milicyjantaŭ sudździa Natalla Čarapucha viarnuła spravu na dapracoŭku.
Aleś Čyhir, u svaju čarhu, zajaviŭ sudździ, što kateharyčna nie zhodny z abvinavačvańniem u chulihanstvie i niepadparadkavańni milicyi i što nijakich pratakołaŭ ab pravaparušeńni nie padpisvaŭ.
Aktyvist ruchu «Za Svabodu» adrazu paśla vyzvaleńnia nakiravaŭsia ŭ sudmiedekśpiertyzu, kab źniać paboi, naniesienyja jamu ŭ adździaleńni milicyi № 1 UVD Babrujskaha harvykankama.
Aleś Čyhir źbirajecca skardzicca na niepravamiernyja dziejańni supracoŭnikaŭ milicyi ŭ prakuraturu i ŭ adździeł unutrannych rasśledavańniaŭ UVD.
Jak nahadvaje pres‑słužba Alaksandra Milinkieviča, aktyvist ruchu «Za Svabodu» ŭviečary 29 traŭnia byŭ zatrymany i z užyvańniem siły dastaŭleny ŭ RAUS Leninskaha rajona Babrujska.
Aleś Čyhir, jakomu mienavita 29 traŭnia spoŭniłasia 36 hadoŭ, byŭ schopleny kala svajho doma, kali vychodziŭ z taksoŭki № 6688 TR razam z žonkaj i dziećmi. Pa niekatoraj infarmacyi, mienavita kiroŭca taksi spravakavaŭ zatrymańnie aktyvista milicyjaj.
Pa śviedčańniam žonki i paplečnikaŭ, jakija rušyli za zatrymanym u adździeł milicyi, Alesia Čyhira ŭ rajadździele pakłali na padłohu i nadzieli kajdanki. Aktyvisty ŭbačyli, jak Alesia źbivaŭ supracoŭnik milicyi, jaki niadaŭna rabiŭ u jaho domie pieratrus.
Milicyjanty admovilisia paviedamić žoncy pra pryčyny zatrymańnia Alesia Čyhira.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami31
Kamientary