Źniasilenaha haładoŭkaj Uładzimira Kondrusia pieraviali ŭ turemny špital
10 žniŭnia baćki Uładzimira Kondrusia paviedamili pravaabaroncam «Viasny», što ich syna pieraviali ŭ respublikanski turemny špital, jaki znachodzicca na terytoryi SIZA-1 na Vaładarskaha. Pa słovach doktara, jaho ŭdałosia ŭhavaryć na vychad z haładoŭki.
Paśla pieršaha dazvolenaha spatkańnia z synam, jakoha jany ŭbačyli, ź ich słovaŭ, u stanie napałovu trupa, baćki Uładzimira Kondrusia źviarnulisia da dziažurnaha pa SIZA i im udałosia damahčysia sustrečy z doktaram z sančastki. U vyniku, učora ŭviečary Uładzimira pieraviali ŭ respublikanski turemny špital, jaki znachodzicca na terytoryi SIZA. Nie vyklučana, što svaju rolu ŭ hetym mieŭ i šyroki infarmacyjny rezanans pra ciažki stan zdaroŭja novaha fihuranta spravy ab masavych biesparadkach.
Siońnia baćkam udałosia pahavaryć z doktaram turemnaj balnicy, jakaja raspaviała, što Uładzimiru ŭžo stavili kropielnicu i što jana pierakanała jaho spynić haładoŭku, tamu paprasiła pieradać svajmu pacyjentu dziciačaje charčavańnie. Miedyki taksama abiacajuć z časam zrabić jamu zond, pra što Uładzimir paprasiŭ na ŭčorašnim spatkańni.
Pavodle baćkoŭ, hetaja navina daje im niekatoruju nadzieju, pakolki jašče ŭčora ŭ adkaz na ich ŭhavory pačać prymać ježu Uładzimir adkazaŭ, što nie moža, pakolki arhanizm užo sam jaje adchilaje.
Taksama baćki Uładzimira Kondrusia paviedamili, što siońnia naviedali śledčaha i pakinuli jamu prašeńnie pra źmienu miery strymańnia da suda, kab pastavić syna na nohi. Ź ich słoŭ, u adkaz na heta śledčy tolki padkreśliŭ, što ich syn «ździejśniŭ ciažkaje złačynstva».
Nahadajem, što pravaabarončyja arhanizacyi Biełarusi pryznali Uładzimira Kondrusia palityčnym źniavolenym. Jak padkreślivajecca ŭ adpaviednaj zajavie, dziejańni Uładzimira Kondrusia nie mohuć być kvalifikavanyja pa artykule 293 Kryminalnaha kodeksa Respubliki Biełaruś («Masavyja biesparadki»), a termin daŭnaści pa inšych artykułach KK, pa jakich jany mahli b być kvalifikavanyja, minuŭ.
Minsk siońnia viečaram pahruziŭsia ŭ ciemru. Paśla zahadu Łukašenki48
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary