Bieražkoŭ raspavioŭ, jak čyrvona-biełyja kolery stali futbolnymi

Upieršyniu kamanda zhulaje ŭ novaj formie ŭ tavaryskim matčy suprać Narviehii 31 žniŭnia. A ŭžo 6 vieraśnia praviadzie pieršy pajadynak adboračnaha turniru ČS-2018 z francuzami. Akramia taho na prezientacyi byŭ pradstaŭleny i novy Maskot Vajar. Dyrektar pa markietynhu Asacyjacyi «Biełaruskaja fiederacyja futboła» Uładzimir Bieražkoŭ padzialiŭsia svaim mierkavańniem pra reakcyju na abnoŭku.

— Ci zadavoleny tym, jak zaŭziatary ŭspryniali novuju formu zbornaj?

— Ciažka aceńvać, bo hust u ludziej rozny. Tamu i kamientary zusim roznyja. Ale ašałamlalnaj reakcyjaj, jakuju forma vyklikała, zadavoleny. Kamientaroŭ pad navinoj pra prezientacyju formy ŭ dva razy bolšy, čym pad navinoj pra pośpiech baskietbolnaj žanočaj zbornaj. Heta surjozny vynik, jaki padšturchoŭvaje da jašče bolšaj pracy. My znachodzimsia ŭ fokusie vielmi vialikaj aŭdytoryi, jakuju chvaluje hetaja tema. Ale my jašče na samym pačatku šlachu.

— Kamientary zaŭziataraŭ čytali?

— Viadoma. Mierkavańni roznyja. Ad «što Bieražkoŭ kuryć, i na jakich mocnych narkotykach siadzić» da słoŭ, jakija vyklikajuć tolki stanoŭčyja emocyi. Ja prysłuchoŭvajusia da hramadstva, ale bolš słuchaju śpiecyjalistaŭ: ludziej, jakija zajmajucca prodažami, u tym liku atrybutyki, a taksama dyzajnieraŭ, trenieraŭ i futbalistaŭ. Bolšaść ź ich kaža, što forma ŭdałasia. Hulcy naohuł kažuć, što jana zalikovaja.

— Spačatku płanavałasia pravieści mierapryjemstva ŭ jakim-niebudź histaryčnym miescy krainy. Čamu nie atrymałasia?

— Ciapier u nas hałoŭnaja zadača — pryciahnieńnie zaŭziataraŭ na trybuny. Tamu śpiašalisia z prezientacyjaj, kab paśpieć raskrucić brend «Biełyja kryły» za miesiac da hulni z Francyjaj. My zapuścili aficyjnuju rekłamu, imknulisia krychu raniej raskryć łoha, pakazać formu. Prezientacyja ŭ histaryčnym miescy ŭsio ž patrabuje bolš dbajnaj padrychtoŭki. Jašče adna pryčyna — akcent na kino. My vypuścili niekalki promarolikaŭ, zrabili film. Nam byŭ patrebny vialiki ekran i ciemra. Na adkrytaj placoŭcy ŭ tym ža Połacku ažyćciavić zadumu było b značna składaniej. Dy i efiekt byŭ by nie takim, jak u kinateatry.

Nu i, narešcie, u histaryčny centr było b ciažka zaprasić žurnalistaŭ. My ž rabili staŭku na toje, što aŭdytoryja, jakoj cikavaja prezientacyja, šyrej, čym siehmientu zaŭziataraŭ. I zaprašali roznych žurnalistaŭ i ludziej z roznych śfier dziejnaści, kab jany pra heta raspaviali. I, mnie padajecca, nam heta ŭdałosia. Siužety i materyjały vychodzili na samych roznych placoŭkach. Nie dumaju, što nam by ŭdałosia tak dobra ŭsio aśviatlić nie ŭ stalicy. Ale ad idei z histaryčnym centram nie admaŭlajemsia. Tak, heta budzie nie prezientacyja formy, ale vyjaznaja fotasiesija zbornaj całkam moža adbycca.

— «Vyšyvanka» i ŭsio astatniaje «nakładzienyja» na standartny kamplekt formy ad Adidas. Ci razhladali mahčymaść raspracoŭki indyvidualnaha dyzajnu?

— Pra heta ŭžo šmat havaryłasia. Kali ja pryjšoŭ na pracu ŭ fiederacyju, makiet formy ŭžo byŭ. U mianie nie było inšaha vybaru, ale ja nie mahu skazać, što heta niaŭdały vybar. Jon vielmi dobra padychodzić da kancepcyi «Biełych kryłaŭ». Bieła-čornaja forma vydatna kładziecca na našu stylistyku. Ja ŭdziačny Siarhieju Vaharšakoviču (Siarhiej Safarjan — Tribuna.com) za vybar. Hust jaho nie padvioŭ.

Pavialičyć

— Dla haściavoj formy abrali čorny koler. Čamu? Heta ž nie zusim biełaruski koler.

— My ŭvieś čas pryvykli hulać u čyrvona-zialonym, bieł-zialonym abo čyrvonym. Ale, mnie zdajecca, dziaržaŭnaj simvoliki na formie i tak dastatkova. Jana vyznačana hierbam — heta ŭžo mocny pijetet, pakłon i pavaha da simvałaŭ krainy. Akramia taho, nie ŭsie nacyjanalnyja kamandy hulajuć u kolerach svajho ściaha. Čornaja forma, jakaja, darečy, šmat kamu spadabałasia navat bolš biełaj, u niejkaj stupieni revalucyjnaja. Nu, a čamu nie? Heta narmalna. Inakš my tak i budziem zakładnikami taho, što hulajem u adnolkavych kolerach ź vienhrami i partuhalcami.

— Dyzajn formy raspracoŭvali dyzajniery. Im davałasia techničnaje zadańnie pa rasfarboŭcy ci ž bieł-čyrvona-biełyja kolery — ich inicyjatyva?

— U nas byli roznyja varyjanty. Adkryju sakret. Adzin z varyjantaŭ, jaki spadabaŭsia mnie bolš za ŭsio, prapanavaŭ Ivan Ajpłataŭ. Varyjant navat pajšoŭ na zaćviardžeńnie va UEFA, ale my ŭsio abmierkavali z kiraŭnictvam fiederacyi, i ŭ vyniku ad jaho admovilisia.

— I što heta była za forma?

— Byŭ jašče bolš revalucyjny dyzajn. Znak «Biełyja kryły» byŭ vykanany bolš radykalna i prapanoŭvaŭsia ŭ jakaści asnoŭnaha elemienta — pry hetym užo źjaŭlaŭsia «vyšyvankaj». Mnie vielmi spadabałasia, ale ahulnym rašeńniem pryjšli da toj formy, jakaja jość ciapier.

— Chto kankretna raspracoŭvaŭ dyzajn novaj formy?

— Ja b nie skazaŭ, što heta tvareńnie niejkaha kankretnaha dyzajniera. Možna skazać, što nad joj pracavali Andrej Šnitulenka, Ivan Ajpłataŭ, Alaksiej Archipaŭ i niekatoryja supracoŭniki ABFF. My byli ŭpeŭnienyja ŭ vyniku, i jon siabie apraŭdaŭ.

Pavialičyć

— A dzie na formie łahatyp «Bieły kryły»?

— Na majkach-replikach, jakija my razdavali ŭsim haściam, jon u centry. A na formie akuratnieńka źmiaścili na kaŭnieryk. Darečy, adna z pryčyn, čamu nie pajšli darohaj Ajpłatava, u tym, što UEFA stroha rehłamientuje pamiery tavarnych znakaŭ. Kali b nanieśli ŭ jakaści elemienta dekoru znak «Bieły kryły», to paśla rehistracyi adpaviednaha tavarnaha znaka, padmanuli b UEFA. Kiraŭnictva fiederacyi vykazałasia za sumlennaść, i ja pahadziŭsia. A dakumienty na rehistracyju tavarnaha znaka «Biełyja kryły» my ŭžo padali.

Pavialičyć

— Maskot Vajar — adsyłka da «Pahoni» Maksima Bahdanoviča?

— Naohuł, u nas byli roznyja idei i varyjanty maskotaŭ. Byŭ i Buślik, i inšyja miakkija cacki, i Anioł. Ale my vyrašyli, što ciapier ad zbornaj patrabujucca prajavy žorstkaha charaktaru i mužčynskaj siły. My chacieli znajści i patryjatyčny, i trochi vajaŭničy simvał. Kab zbornaja viarnuła sabie spartyŭnuju ahresiju, kab trybuny byli zaradžanyja i my ŭsie stali bajcami.

Biezumoŭna, heta adsyłka i da kryłatych husaraŭ, i rycarstva, i da sučasnaści. Vajar — hieroj, jaki ratuje ŭsich. Hetaki Betmen. Zborny vobraz, jaki va ŭsich śpiecyjalistaŭ vyklikaŭ afihienna stanoŭčuju reakcyju.

Pavialičyć

— U dziaržaŭnych strukturach čyrvona-biełyja kolery časta adnosiać da apazicyjnych. Ci nie baiciesia, što i ABFF adniasuć da apazicyi?

— Zaŭsiody na heta adkazvaju tak: kali apazicyja biare na ŭzbrajeńnie niejkija łozunhi abo kolery, heta nie značyć, što kolery i łozunhi tut ža stanoviacca zabaronienymi. Siońnia drukavany orhan Administracyi prezidenta «Narodnaja hazieta» vychodzić z chiešteham «Žyvie Biełaruś!» Choć standartny padychod zaŭsiody adnosiŭ hetyja słovy da apazicyi.

Palityčnaja apazicyja vykarystoŭvaje čyrvona-biełyja kolery, ale heta nie značyć, što ich treba zabaraniać. Heta ž hłupstva. Dva hetyja kolery dobra hladziacca i harmanujuć. Navat dziaržaŭny ściah ŭtrymlivaje bieły i čyrvony.

— I ŭsio ž taki ŭłada niejak niehatyŭna stavicca da hetych koleraŭ.

— Ja spakojna staŭlusia da prajaŭ nacyjanalnaj samaśviadomaści. Kali ludzi nosiać na hrudziach hierb «Pahonia» abo apranajuć čyrvona-biełyja majki, padkreślivajučy, što hetyja kolery im bližej, to razhladaju heta jak pavahu da histaryčnych simvałaŭ. Ale ŭ našaj formie niama palityčnaha zavostryvańnia. U joj adsutničaje palityčny kantekst. Jość histaryčny kantekst, kulturny kantekst i ničoha inšaha.

— Z UEFA formu ŭzhadniali. A z Administracyjaj prezidenta?

— Nie.

— A kali budzie niervovaja abo žorstkaja reakcyja?

— Ja nie dumaju, što budzie žorstkaja reakcyja. Kali tak zdarycca, to mnie, napeŭna, pryjdziecca syści, bo ja hetaha nie zrazumieju.

— Jakija bližejšyja płany pa prasoŭvańni zbornaj i novaha brenda?

— Futboł siońnia prasoŭvajecca vielmi ciažka, a da zbornych niehatyŭnaje staŭleńnie. My pastavili zadaču — sabrać ludziej na Luksiemburh. Pakul na matč pradadzieny 1481 kvitok. U 2015-m było pradadziena 1990. Kali my ŭ paru razoŭ pierakryjem «rekord» minułaha hoda, tady možna budzie kazać, što niejkuju pracu zrabili niezdarma.

Usie našy akcyi pravodziacca z hetaj metaj. Voś byli na stadyjonie «Minska» na matčy «maładziožki». Vajar fatahrafavaŭsia z zaŭziatarami, a my pradavali kvitki. U płanach vialikaja praca pa sacyjalnaj rekłamie. My chočam, kab da matču z Francyjaj na biłbordach visieli nie tolki chakieisty, ale i futbalisty! Rychtujem promaroliki, vialikija televizijnyja prajekty. Idziem i ŭ zaŭziatarskija koły. Ja sustrakaŭsia z aktyvam zaŭziataraŭ chakiejnaha «Dynama», chłopcami z «B-12». Płanuju pajechać u Barysaŭ i pahavaryć z «batonami».

Surjozny ivent budzie 2 vieraśnia na matčy «maładziožki» suprać hałandcaŭ. A treciaha vieraśnia praviadziem adkrytuju treniroŭku zbornaj. Jana pačniecca ŭ 18:30 na stadyjonie ABFF. Zaprašajem absalutna ŭsich. Budzie pałatka z atrybutykaj, dzie možna budzie kupić i majki-repliki, i samu formu. Zapłanavanaja aŭtohraf-siesija, sustreča z hulcami i nievialikaja kancertnaja prahrama. My zrobim usio, kab ludzi pryjšli i adčuli siabie častkaj kamandy. Ja chaču, kab usie adzin adnamu ŭsio daravali i nichto nie trymaŭ kryŭdaŭ. Kab usie zrazumieli, što nam nielha žyć adzin biez adnaho.

• 0
• 0
• 0
• 0
• 0
• 0
• 0
• 0