Apple rychtuje ŭltrabiudžetny Mac Neo z čypam ad ajfona za 299 dalaraŭ
Paśla pośpiechu MacBook Neo kampanija Apple płanuje raspaŭsiudzić dośvied vykarystańnia mabilnych płatformaŭ na svaje nastolnyja kampjutary. Pavodle źviestak MyDrivers, u nastupnym hodzie nas čakaje vypusk Mac Neo — ultrabiudžetnaj alternatyvy Mac mini, źviarnuŭ uvahu Office Life.

Paśla pośpiechu MacBook Neo kampanija Apple płanuje raspaŭsiudzić dośvied vykarystańnia mabilnych płatformaŭ na svaje nastolnyja kampjutary.
Pavodle źviestak MyDrivers, u nastupnym hodzie nas čakaje vypusk Mac Neo — ultrabiudžetnaj alternatyvy Mac mini. Pryłada budzie pabudavana na bazie pracesara A19 Pro ad budučaha iPhone 17 Pro i atrymaje 12 HB apieratyŭnaj pamiaci. Takoj pradukcyjnaści budzie dastatkova dla stabilnaj pracy Apple Intelligence i paŭsiadzionnych zadač, a enierhaefiektyŭnaść čypa dazvolić zrabić sistemu całkam biasšumnaj.
Dziela maksimalnaha źnižeńnia koštu Apple admovicca ad zvykłaha aluminijevaha korpusa na karyść kalarovaha płastyku. Vonkava Mac Neo budzie bolš nahadvać prystaŭku Apple TV, čym kłasičny Mac mini, i atrymaje šyrokuju palitru koleraŭ. Na korpusie čakajucca dva party USB-C sa chutkaściu 10 Hbit/s.
Patencyjnaja cana navinki składzie ŭsiaho $299. Heta roŭna ŭdvaja mienš za košt bazavaha Mac mini na čypie M4 ($599). Takim čynam, Apple praciahvaje stratehiju «dvojnaha dyskontu», jakuju my ŭžo bačyli na prykładzie MacBook Neo.
Ciapier čytajuć
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca
Kamientary