Naprykancy kastryčnika 2025 hoda 43‑hadovy žychar Navapołacka pryjechaŭ u Vierchniadźvinski rajon praviedać 42‑hadovaha znajomaha. Tam jany niekalki dzion razam vypivali, raspaviadaje SK.
Užo ŭ listapadzie, padčas čarhovaha zastolla, mužčyny pasvarylisia. Hość schapiŭsia za nož i niekalki razoŭ udaryŭ haspadara chaty. Paśla hetaha jon praciahnuŭ pić i prosta loh spać.
Na nastupny dzień mužčyna zaŭvažyŭ, što siabar nie dychaje. Jon nakryŭ cieła koŭdraj i zastavaŭsia ŭ chacie jašče kala sutak, a potym źjechaŭ dadomu.
Pakul jon znachodziŭsia ŭ adnym pakoi z zabitym, jamu telefanavała maci zahinułaha — zabojca supakojvaŭ jaje i ŭhavorvaŭ nie pryjazdžać.
Praź niekalki dzion žančyna, jakaja tak i nie zmahła źviazacca z synam, pryjechała da jaho sama i znajšła jaho miortvym.
Śledčyja, jakija prybyli na miesca, pabačyli raskidanyja rečy i rany na ciele zahinułaha, jakija śviedčyli, što była bojka. Ekśpierty naličyli nie mienš za dvanaccać udaraŭ, častka ź jakich była naniesiena nažom.
Padazravanaha znajšli i zatrymali. Siarod jaho rečaŭ adšukali nož, ekśpiertyza paćvierdziła: heta kroŭ zabitaha siabra.
Na dopycie mužčyna apraŭdvaŭsia, što nie chacieŭ zabivać znajomaha, a va ŭsim vinavataja harełka.
-
U Pružanach sa stralaninaj zatrymlivali kiroŭcu biez pravoŭ
-
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
-
«Parvaŭ sabie dyjafrahmu i kiški, nanoŭ vučyŭsia chadzić». Unuk aŭtara «Kałychanki» Vasila Rainčyka raspavioŭ, jak trapiŭ u strašnuju avaryju
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary