Pakul Iran i ZŠA viaduć pieramovy, Kitaj błakuje jašče adzin važny marski šlach
Nastupstvy buduć adčuvalnyja va ŭsim śviecie.
U toj čas jak Iran i ZŠA faktyčna błakujuć Armuzski praliŭ i paralelna abmiarkoŭvajuć mahčymuju mirnuju damovu, za tysiačy kiłamietraŭ raźvivajecca novy marski kryzis: Kitaj, vidać, pierakryvaje dostup da sprečnaha i stratehična važnaha ryfa Skarbaro ŭ Paŭdniova-Kitajskim mory, piša Bild.
Spadarožnikavyja zdymki pakazali, što Kitaj vykarystoŭvaje karabli i płyvučy barjer dla błakavańnia dostupu da ryfa. Skarbaro — tradycyjny rajon rybałoŭstva, raźmieščany za 220 km na zachad ad filipinskaha vostrava Łuson. Abiedźvie krainy pretendujuć na hetuju terytoryju, pakolki jana znachodzicca ŭ važnaj rybałoŭnaj i handlovaj zonie, adnak Kitaj faktyčna kantraluje jaje z 2012 hoda.
«Pakul śviet z zamirańniem serca sočyć za Armuzskim pralivam i jaho padvojnaj błakadaj Iranam i ZŠA, Kitaj prykładna ŭ 3700 marskich milach adtul, u Paŭdniova-Kitajskim mory, taksama pačynaje ŭstaloŭvać marskuju błakadu», — papiaredziŭ u Bild ekśpiert pa hieapalitycy Klemiens Fišer.
Manioŭr Kitaja maje «zusim inšaje vymiareńnie», čym ciapierašniaja błakada Armuzskaha praliva, tłumačyć Fišer:
«Praz Paŭdniova-Kitajskaje mora štohod prachodzić kala traciny suśvietnaha marskoha hruzazvarotu, heta značyć tavaraŭ na sumu kala 3,3 tryljona dalaraŭ ZŠA. Siem prybiarežnych dziaržaŭ zmahajucca za vyklučnaje prava ŭ dzieviaci roznych zonach, Kitaj udzielničaje amal u kožnym kanflikcie i ciapier, vidać, damahajecca svajho na ryfie Skarbaro».
Nastupstvy buduć adčuvalnyja va ŭsim śviecie:
«Adna tolki hetaja niavyznačanaść moža pryvieści da rostu strachavych premij dla sudnaŭ i hruzaŭ, a značyć — da pavieličeńnia transpartnych vydatkaŭ, jakija adabjucca na kančatkovych cenach dla spažyŭcoŭ. Heta aznačaje, što mnohija tavary mohuć padaražeć».
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca4
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1010
Kamientary