Biełaruski bieśpiłotnik nie parušaŭ pavietranuju prastoru Litvy, paviedamiŭ načalnik upraŭleńnia infarmacyi — pres-sakratar MZS Dźmitryj Mirončyk.
«Pavodle infarmacyi Dziaržaŭnaha pamiežnaha kamiteta Biełarusi, u pakazany litoŭskim bokam čas u dadzienym rajonie kvadrakopteram «Fantom 3» ažyćciaŭlałasia aerazdymka dla filma-prezientacyi abnoŭlenaha pahraničnaha pierachodu «Pryvałka». Pry hetym biełaruskim bieśpiłotnym latalnym aparatam nie było dapuščana parušeńniaŭ pavietranaj prastory Litvy. Pra heta adnaznačna śviedčyć jak videazapis, tak i aŭtamatyčna zachavanyja aparatam GPS-łohi palotu, jakija my hatovy pradastavić litoŭskim kaleham», —padkreśliŭ jon.
Dźmitryj Mirončyk adznačyŭ, što ŭsie nieabchodnyja tłumačeńni pa hetym pytańni całkam mahli b być atrymanyja litoŭskim bokam praź śpiecyjalna zasnavany miechanizm pahraničnych upaŭnavažanych dźviuch krain. «Vyvad pytańnia na ŭzrovień źniešniepalityčnych viedamstvaŭ tolki zaciahvaje praceduru atrymańnia infarmacyi i daje padstavu dla nieabhruntavanych śpiekulacyj na adčuvalnuju temu biaśpieki miežaŭ i pavietranaj prastory», — rastłumačyŭ jon.
Nahadajem, raniej Litva ŭručyła Biełarusi notu z nahody parušeńnia jaje pavietranaj prastory.
Kamientary