Forvard katałonskaj «Barsiełony» Lijanel Miesi abviaściŭ pra viartańnie ŭ zbornuju Arhientyny pa futbole.
«Ja surjozna razvažaŭ nad sychodam, adnak maja luboŭ da krainy i da hetaj futbołki zanadta mocnaja», — havorycca ŭ zajavie futbalista.
29-hadovy futbalist niečakana abviaściŭ pra spynieńnie vystupaŭ za nacyjanalnuju kamandu ŭ červieni, paśla taho jak Arhiencina ŭ finale Kubka Amieryki paciarpieła paražeńnie ad kamandy Čyli.
«Dla mianie vystupy za nacyjanalnuju zbornuju skončany. Ja zrabiŭ usio, što moh, ale nie dasiahać čempijonstva vielmi baluča», — skazaŭ tady futbalist žurnalistam.
Na hetym tydni trenier zbornaj Edharda Bausa sustrakaŭsia ź Miesi ŭ Barsiełonie, kab pierakanać jaho viarnucca ŭ zbornuju.
«Ja adčuvaju, što Miesi choča uźjadnacca sa zbornaj», — skazaŭ Bausa žurnalistam u piatnicu.
Miesi čatyry razy atrymlivaŭ «Załaty miač» FIFA — uznaharodu, jakaja ŭručajecca lepšamu hulcu hoda ŭ śviecie.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary