Arbitry Suśvietnaj handlovaj arhanizacyi (SHA) padtrymali Jeŭrasajuz u sprečcy z Rasijaj adnosna pošlin na ŭvoz jeŭrapiejskich chaładzilnikaŭ, palmavaha aleju i papiarovaj pradukcyi.
Arbitry vyznačyli, što Rasija karystałasia zavyšanymi pošlinami na ŭvoz hetych praduktaŭ ź ES, adychodziačy tym samym ad Hienieralnaha pahadnieńnia pa taryfach i handli 1994 hoda.
Jeŭrasajuz asprečvaŭ usiaho 12 rasijskich mier, jakija adnosiacca da prymianieńnia taryfaŭ na impart jeŭrapiejskich tavaraŭ. Panel arbitraŭ pryznała, što 11 z hetych mier parušajuć abaviazacielstvy Rasii, uziatyja pry ustupleńni ŭ SHA. Jašče adna, 12-ja, pretenzija ES datyčyłasia «sistematyčnaha varjiravańnia pošlin» z boku Rasii, ale panel SHA paličyła hetuju pretenziju nieabhruntavanaj, paviedamlajecca na sajcie arhanizacyi.
U svaim rašeńni arbitry zafiksavali rasijskija parušeńni na datu stvareńnia traciejskaj hrupy (25 sakavika 2015 hoda). Adnak Rasija z taho času vypraviła bolšaść parušeńniaŭ.
Usie sprečnyja taryfy, akramia dvuch, užo byli pryviedzieny ŭ adpaviednaść z abaviazalnictvami, a tyja, što zastalisia dva — na papieru i chaładzilniki — buduć adaptavanyja ŭ bližejšy čas, havorycca ŭ pres-relizie Minekanomraźvićcia RF, vypuščanym paśla publikacyi rašeńnia SHA.
Ekspart papiarovaj pradukcyi ŭ Rasiju składaje kala €240 młn u hod, palmavaha aleju — €50 młn, chaładzilnikaŭ — €150 młn, vynikaje z materyjałaŭ Jeŭrakamisii.
Apublikavanaje ŭ piatnicu rašeńnie — pieršaje ŭ ramkach miechanizmu ŭrehulavańnia sprečak SHA, jakoje tyčycca Rasii z času jaje ŭstupleńnia ŭ arhanizacyju ŭ 2012 hodzie.
Na razhladzie SHA znachodziacca jašče niekalki sprečak ES z Rasijaj, u tym liku nakont zabarony na impart jeŭrapiejskaj śvininy i nakont utylizacyjnaha zboru RF na aŭtamabili.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?2
Kamientary