90-hodździe Janki Zaprudnika adznačyli ŭ ZŠA FOTAFAKT
Z nahody svajho 90-hodździa Janka Zaprudnik, adzin z samych viadomych amierykanskich biełarusaŭ, atrymaŭ kala sotni vinšavańniaŭ z roznych kutkoŭ płaniety. Najbolš, viadoma, ź Biełarusi, jakuju sioleta naviedaŭ dziela sustrečaŭ z svajakami i siabrami dy prezientacyi novaj knihi — «Kantakty».
A 13 žniŭnia tradycyjny «Happy Birthday» praśpiavali jamu ŭ ciesnym siabroŭska-svajackim kole. Hości sabralisia ŭ restaranie «Maggiano's». Impreza pačałasia zładžanym «Ojča naš», bo ž jubilar štoniadzieli śpiavaje ŭ chory carkvy Jeŭfrasińni Połackaj u Saŭt Ryvery i kalehi-charysty tak vykazali jamu svaju pašanu.
Vystupoŭcy «pierabrali» ŭsiu bahatuju bijahrafiju Janki Zaprudnika (Siarhieja Vilčyckaha da traŭnia 1945 hoda). Dočki Viera i Nina ŭspaminali svaje dziciačyja hady (tym bolš, što letašniaja baćkava kniha «Pa haračych śladach minuŭščyny» dała im šmat cytataŭ-padkazak), a baćka da siońnia jość ich lepšym siabram i daradcam. Spadar Vitaŭt Kipiel pačaŭ z taho, što ichnaje siabroŭstva doŭžycca ŭžo 72 hady… Ličy, praz usio žyćcio iduć popleč!
Valancina Tryhubovič adznačyła tvorčuju niastomnaść jubilara: za apošnija piać hadoŭ jon vydaŭ try knihi, jakija dajuć hruntoŭnuju infarmacyju pra biełaruskaje žyćcio na čužynie i pakazvajuć unikalnaść pavajennaj chvali emihracyi.
Zhadvali ciopłymi słovami Janku Zaprudnika jak historyka i žurnalista, aktyŭnaha hramadskaha dziejača i navukoŭcu, kłapatlivaha muža i žadanaha subiasiednika, vostraha na słova i sprytnaha ŭ tancach…
Praśpiavaŭšy «Sto lat», hości razychodzilisia z pažadańniami sustrecca na nastupnym jubilei Janki Zaprudnika.
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary