Kitajanka Van Šy z pravincyi Chunań ustanaviła niezvyčajny suśvietny rekord. Užo 17 miesiacaŭ jana čakaje źjaŭleńnia na śviet dziciaci. Pra heta paviedamiła hazieta «Čžunho žybao», pieradaje TASS.
«Śpiecyjalisty kažuć, što viadomyja vypadki, kali žančyny naradžali dziaciej i na 13-m miesiacy ciažarnaści, ale 17 miesiacaŭ — takoha jašče nie było», — raspavioŭ muž žančyny.
U haziecie adznačajuć, što ciažarnaść Van Šy pačałasia ŭ lutym 2015 hoda i jana z mužam rychtavałasia da źjaŭleńnia niemaŭlaci na śviet u listapadzie hetaha ž hoda. Adnak pieradrodavyja schvatki ŭ pryznačany termin nie pačalisia.
Muž i žonka stali rehularna naviedvać miascovuju balnicu dla abśledavańniaŭ, adnak navat na 14-m miesiacy ciažarnaści daktary admaŭlalisia ad praviadzieńnia apieracyi kiesarava siačeńnia praz słabaść dziciaci. Ciapier jany zapeŭnivajuć Van Šy u tym, što ŭ nastupnym miesiacy jana dakładna stanie mamaj.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi6
Kamientary