Intryha Nacyjanalnaha adboračnaha tura dziciačaha konkursu pieśni «Jeŭrabačańnie-2016» vyrašycca 26 žniŭnia.
U hety dzień vyznačycca pieramožca, jaki pradstavić Biełaruś u listapadzie biahučaha hoda na prestyžnym mižnarodnym muzyčnym forumie ŭ horadzie Valeta (Malta), paviedamili BIEŁTA ŭ pres-słužbie Biełteleradyjokampanii.
Finalnaje šou ŭ formie hała-kancerta pakažuć u pramym efiry na telekanałach «Biełaruś 1» i «Biełaruś 24», a taksama ŭ anłajn-tranślacyi na aficyjnym sajcie miedyjachołdynha, tranślacyja pačniecca ŭ 22.00. Pieramožca budzie vyznačany pa vynikach hałasavańnia prafiesijnaha žury i telehledačoŭ.
Adkryje hała-kancert pradstaŭnik Biełarusi na «Jeŭrabačańni-2015» Rusłan Asłanaŭ. Jon vykanaje pieśniu «Čaraŭnictva», ź jakoj na mižnarodnym piesiennym forumie zaniaŭ čaćviortaje miesca. Śpiecyjalna dla kancerta Rusłan padrychtavaŭ pieśniu z repiertuaru suśvietna viadomaj hrupy Aerosmith. Mahčymaść vystupić u jakaści haściej atrymajuć junaki i dziaŭčaty, jakim nie ŭdałosia prajści ŭ finał nacyjanalnaha adboru hetaha hoda, ale prafiesijnaje žury adznačyła vysoki ŭzrovień ich tvorčych numaroŭ u čas prasłuchoŭvańnia. Na adnu scenu z hałoŭnymi pretendentami na pieramohu vyjduć Asol Ambroziak, Palina Rusieckaja, Alaksandra Łakcijonava, ansambl «Zaranak», Bijata Kabirava i Ihar Muraŭkin.
U čas finalnaha šou čakajecca tradycyjny videazvarot z Malty jak krainy — arhanizatara dziciačaha konkursu pieśni «Jeŭrabačańnie-2016».
Tym časam pretendenty ŭzmocniena rychtujucca da finału. Za prava pradstaŭlać krainu na mižnarodnym konkursie paspaborničajuć Maryja Mahilnaja (Mahiloŭ), šou-hrupa «So-Ni-Ka» (Viciebsk), Alena Citova (Mahiloŭ), Julija Mažyłoŭskaja (Minsk), Stafanija Sakałova (Minsk), hrupa «Niasumny ŭzrost» (Minsk), Maryja Žylina (Minsk), Zinaida Kupryjanovič (Minsk), Volha Kanavałava (Mahiloŭ) i Alaksandr Minionak (Minsk). Vystupleńniu kožnaha finalista buduć papiaredničać videavizitki. Z 22 žniŭnia ich možna budzie ŭbačyć u prahramie «Dobraj ranicy, Biełaruś!».
Arhanizacyju nacyjanalnaha adboru i padrychtoŭku da mižnarodnaha dziciačaha konkursu pieśni «Jeŭrabačańnie-2016» ažyćciaŭlaje Biełteleradyjokampanija jak adziny ŭ Biełarusi člen Jeŭrapiejskaha viaščalnaha sajuza.
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary