Padčas dvuchdzionnaha vizitu ŭ Polšču, 22-23 žniŭnia, prezident Kazachstana Nursułtan Nazarbajeŭ sustreŭsia ŭ Varšavie z prezidentam Polščy Andžejem Dudam. Kiraŭniki dziaržaŭ pryniali dekłaracyju ab ekanamičnym supracoŭnictvie pamiž dźviuma krainami, paviedamlaje tvn24.pl.
Prezident Kazachstana adznačyŭ, što padčas hutarki «było abmierkavana šyrokaje koła pytańniaŭ dvuchbakovaha supracoŭnictva i aktualnyja pytańni mižnarodnaj palityki». Jon padkreśliŭ, što havorka išła, siarod inšaha, i pra supracoŭnictva abiedźviuch krain na mižnarodnaj arenie.
Nazarbajeŭ paviedamiŭ, što padčas sustrečy była zakranutaja situacyja va Ukrainie i na Blizkim Uschodzie, a taksama mahčymaść supracoŭnictva pamiž Jeŭrazijskim ekanamičnym sajuzam i Jeŭrapiejskim sajuzam.
Nazarbajeŭ vykazaŭ nadzieju na toje, što polski parłamient ratyfikuje ŭ bližejšy čas pahadnieńnie ab uzmocnienym partniorstvie pamiž Kazachstanam i ES.
Prezydent @AndrzejDuda: „Wizyta niezwykle ważna i znacząca”https://t.co/7EjHcEWO1w pic.twitter.com/M5DioP8HHn
— Polšča źjaŭlajecca adnym z najbolš važnych palityčnych i handlova-ekanamičnych partnioraŭ Kazachstana ŭ ES. Niahledziačy na składanyja źniešnija ŭmovy, pakazčyki ŭzajemnaha handlu zastajucca stabilnymi. (…) My damovilisia, što budziem prymać miery pa raźvićci i pahłybleńni ekanamičnych adnosin, — skazaŭ Nazarbajeŭ.
Prezident adznačyŭ, što Kazachstan admianiaje vizy dla hramadzian krain-siabraŭ Arhanizacyi ekanamičnaha supracoŭnictva i raźvićcia (AESR), u tym liku Polščy.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary