Sud na terytoryi 102-j rasijskaj vajskovaj bazy ŭ Hiumry prysudziŭ vajskoŭca RF, radavoha Valeryja Piermiakova da pažyćciovaha źniavoleńnia za zabojstva siami členaŭ siamji Aviecisian.
Pa źviestkach armianskaj haziety «Žachavurd», ułady Armienii i Rasii abmiarkoŭvajuć varyjant abmienu sałdata na kiroŭcu hruzavika, asudžanaha ŭ RF za DTZ.
«Ułady Armienii i Rasii, vydatna ŭśviedamlajučy, što pieradača Piermiakova moža vyklikać novuju chvalu niezadavolenaści siarod nasielnictva Armienii, abmiarkoŭvajuć varyjant abmienu vajskoŭca na hramadzianina RA, kiroŭcy hruzavika Hračja Aruciuniana, asudžanaha za DTZ 13 lipienia 2013 hoda. Heta značyć, jak tolki Piermiakoŭ budzie pieraviezieny ŭ Rasiju, adrazu budzie abvieščana, što Aruciuniana vydaduć pravaachoŭnikam Armienii», — cytuje vydańnie Aysor.am.
Prysudzić padsudnaha da maksimalnaha pakarańnia zapatrabavaŭ prakuror, vystupajučy ŭ sprečkach 12 žniŭnia.
***
U chodzie pracesu 27 maja advakat zajaviŭ ad imia svajakoŭ zahinułaj siamji pazoŭ da RF ab kampiensacyi ŭ pamiery 450 tysiač jeŭra. Pa słovach advakata, niahledziačy na toje, što Piermiakoŭ mieŭ razumovyja adchileńni, kamandavańnie vydała jamu zbroju. Juryst padkreśliŭ, što Rasija niasie adkaznaść za dziejańni vajskoŭcaŭ bazy ŭ Hiumry.
U studzieni Piermiakoŭ pryznaŭ całkam svaju vinu ŭ ździejśnienym złačynstvie.
U žniŭni 2015 hoda Piermiakoŭ byŭ asudžany za deziercirstva sa zbrojaj pa słužbie, kradziež i niezakonnaje našeńnie ahniastrelnaj zbroi i bojeprypasaŭ. Jaho prysudzili da 10 hadoŭ kałonii strohaha režymu.
***
12 studzienia 2015 hoda ŭ horadzie Hiumry było ździejśniena zabojstva siamji Aviecisian — va ŭłasnym domie zastrelenyja piaciora darosłych i dzicia. Praz tydzień u balnicy pamierła paranienaje paŭhadovaje dzicia. Pa padazreńni ŭ ździajśnieńni złačynstva rasijskija pamiežniki, jakija achoŭvali armiana-tureckuju miažu, zatrymali Piermiakova, jaki sprabavaŭ patrapić na terytoryju Turcyi.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary