Łukašenka: Biełaruś i Kitaj stali stratehičnymi partniorami i praciahvajuć ruchacca dalej
Biełaruś i Kitaj stali stratehičnymi partniorami i pradaŭžajuć ruchacca dalej. Ab hetym zajaviŭ Alaksandr Łukašenka siońnia na sustrečy z delehacyjaj Narodnaha ŭrada pravincyi Chunań (KNR) na čale z meram urada centralnaha horada Čanša Chu Chenchua i prezidentam kampanii Zoomlion Čžań Čuńsiniem.
«Našy krainy i narody źviazvajuć ščyraja družba i plonnaje supracoŭnictva ŭ roznych śfierach dziejnaści. Za 25 hadoŭ z momantu ŭstanaŭleńnia dypłamatyčnych adnosin pamiž Biełaruśsiu i Kitajem projdzieny vialiki šlach nasustrač adzin adnamu. Pamiž nami niama zakrytych tem. My stali stratehičnymi partniorami i pradaŭžajem ruchacca dalej», — zajaviŭ jon.
Pavodle jaho słoŭ, vialikuju rolu ŭ hetym pracesie adyhryvajuć ciesnyja mižrehijanalnyja suviazi, što paćviardžajecca prybyćciom delehacyi z pravincyi Chunań u Biełaruś.
«Vaš ciapierašni vizit maje asablivy charaktar. Jon prachodzić napiaredadni zapłanavanaj na vierasień našaj sustrečy na vyšejšym uzroŭni sa Staršynioj KNR Si Czińpinam. Hetyja pierahavory pavinny pakłaści pačatak jakasna novamu etapu kitajska-biełaruskaha partniorstva — realizacyi poŭnamaštabnych inviestycyjnych prajektaŭ. Nie sumniavajusia, što heta spryjalna paŭpłyvaje na rabotu dziełavych kołaŭ pravincyi Chunań i rehijonaŭ Biełarusi», — adznačyŭ kiraŭnik dziaržavy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary