Лукашэнка: Беларусь і Кітай сталі стратэгічнымі партнёрамі і працягваюць рухацца далей
Беларусь і Кітай сталі стратэгічнымі партнёрамі і прадаўжаюць рухацца далей. Аб гэтым заявіў Аляксандр Лукашэнка сёння на сустрэчы з дэлегацыяй Народнага ўрада правінцыі Хунань (КНР) на чале з мэрам урада цэнтральнага горада Чанша Ху Хэнхуа і прэзідэнтам кампаніі Zoomlion Чжань Чуньсінем.
«Нашы краіны і народы звязваюць шчырая дружба і плённае супрацоўніцтва ў розных сферах дзейнасці. За 25 гадоў з моманту ўстанаўлення дыпламатычных адносін паміж Беларуссю і Кітаем пройдзены вялікі шлях насустрач адзін аднаму. Паміж намі няма закрытых тэм. Мы сталі стратэгічнымі партнёрамі і прадаўжаем рухацца далей», — заявіў ён.
Паводле яго слоў, вялікую ролю ў гэтым працэсе адыгрываюць цесныя міжрэгіянальныя сувязі, што пацвярджаецца прыбыццём дэлегацыі з правінцыі Хунань у Беларусь.
«Ваш цяперашні візіт мае асаблівы характар. Ён праходзіць напярэдадні запланаванай на верасень нашай сустрэчы на вышэйшым узроўні са Старшынёй КНР Сі Цзіньпінам. Гэтыя перагаворы павінны пакласці пачатак якасна новаму этапу кітайска-беларускага партнёрства — рэалізацыі поўнамаштабных інвестыцыйных праектаў. Не сумняваюся, што гэта спрыяльна паўплывае на работу дзелавых колаў правінцыі Хунань і рэгіёнаў Беларусі», — адзначыў кіраўнік дзяржавы.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай7
Каментары