Za dva dni daterminovaha hałasavańnia na parłamienckich vybarach na vybarčyja ŭčastki pryjšli 9,63% vybarcaŭ, paviedamlaje CVK. Najbolšy pracent u Viciebskaj (10,94%) i Mahiloŭskaj (10,88%) abłaściach.
Najmienš achvotna daterminova hałasujuć u Bresckaj (7,68%) i Minskaj (8,57%). U Minsku na vybarčyja ŭčastki «pryjšli» 9,65%.
U pieršy dzień daterminova prahałasavali 3,92%.
Asnoŭny dzień vybaraŭ — 11 vieraśnia (niadziela).
Varta zaznačyć, što Alaksandr Łukašenka 6 vieraśnia paraiŭ nie hnać ludziej na daterminovaje hałasavańnie, skazaŭšy taksama, što pryjdzie na vybarčy ŭčastak razam z synam Mikałajem u niadzielu.
A voś staršynia CVK Lidzija Jarmošyna prahałasavała 7 vieraśnia daterminova. «Nijakaha prymusu studentaŭ iści na vybary nie było, a lišni vychodny, jaki niekatorym abiacali, - heta nie prymus, a, kali možna tak skazać, podkup vybarščykaŭ. Administracyja VNU volnaja takim čynam stymulavać palityčnuju aktyŭnaść. Takim čynam, parušeńni zakanadaŭstva niama», — skazała jana, zajaviŭšy, što hetyja vybary na 100% prazrystyja z samaha ich pačatku. Jana nazvała ich samymi demakratyčnymi z 2000 hoda.
U 2012 h., pavodle aficyjnych źviestak, daterminova prahałasavali 26%.
Ciapier čytajuć
Aryštavany 75‑hadovy Źmicier Sańko — vieteran-vydaviec1
Kamientary