Tajvań akazaŭsia pad uładaj pryrodnaj stychii. Jak paviedamlajuć infarmahienctvy, samy mahutny z pačatku hoda tajfun «Mieranci» abrynuŭsia siońnia na krainu. Centralnaja mietieasłužba nadała «Mieranci» piatuju, najvyšejšuju, katehoryju. Siońnia ranicaj paryvy vietru na paŭdniovym uźbiarežžy dasiahali 263 km/h.
Asnoŭny ŭdar pryjšoŭsia na paŭdniovy ŭschod krainy. U haradach zakrytyja škoły, ludzi nie vyjšli na pracu. U vyniku stychijnaha biedstva biez elektraenierhii zastalisia kala 500 tysiač siemjaŭ, ź jakich tolki 260 tysiač znachodziacca va ŭjeździe Pindun.
Z šerahu niebiaśpiečnych rajonaŭ evakujavanyja amal 3 tysiač čałaviek. Darohi zatoplenyja, na ŭschodnim uźbiarežžy nie chodziać ciahniki. Admienienyja ŭsie ŭnutranyja avijarejsy, na mižnarodnych kirunkach vylety zatrymlivajucca. Dla naviedvańnia zakrytyja turystyčnyja miescy.
U metach zaściarohi dva reaktary atamnaj elektrastancyi na Tajvani adklučanyja.
Pavodle apošniaj infarmacyi, achviaraŭ niama, ale ŭłady kažuć pra značnyja razbureńni.
Sinoptyki kažuć, što siońnia tajfun dasiahnie svajho piku i praciahnie ruch na paŭnočny zachad u bok Tajvańskaha praliva, zrušyŭšysia da ŭźbiarežža macierykovaha Kitaja.
Kamientary