Zbornaja Turcyi ŭ nadzvyčaj dramatyčnym matčy atrymała valavuju pieramohu nad zbornaj Čechii (3:2) i vyjšła ŭ čverćfinał čempijanatu Eŭropy.
I heta pry tym, što da 75-j chvilinie padapiečnyja Facicha Teryma hareli ź likam 0:2. Na 34-j chvilinie pieršy hoł u matčy zabiŭ Jan Koler.
Na druhi tajm tureckija futbalisty vyjšli z žadańniem adyhracca i zrabili dziela hetaha niekalki nabiehaŭ na słavian, nu prosta jak ich pradziedy kolki stahodździaŭ tamu.
Na 61-j chvilinie čechi, jak im zdavałasia, pastavili kropku ŭ hulni. Hoł na rachunku Jarasłava Płašyła.
Ale turki pad akampanement mocnaha daždžu tolki pačaścili ataki na varoty Petera Čecha. Na 76-j chvilinie Arda Turan razmačyŭ lik u hulni, a praź dziesiać chvilin sapraŭdnym hierojem matču staŭ forvard "Viljareału" Nichat Kachvedžy.
Na 87-j chvilinie P. Čech paśla naviesu ŭ štrafnuju vypuściŭ miač z ruk, i Nichat zreahavaŭ na dabivańni. A jašče praz chvilinu jon ža pryhožym z vuhła štrafnoj pasłaŭ miač pad belku českich varot – 3:2.
Na druhoj dadadzienaj chvilinie za hrubuju hulniu ŭ svajoj štrafnoj byŭ vydaleny z pola hałkiper Vałkan Demirel, i pakolki ŭsie zamieny byli vykarystanyja, miesca ŭ varotach zaniaŭ palavy hulec – Tundžaj Šanli. Ale čechi nia zdoleli navat pravieści tałkovuju ataku
Turcyja ŭ čverćfinale.
U druhim siońniašnim matčy švajcarcy ŭ pajadynku, što ŭžo ničoha nia značyŭ, pieramahli partuhalcaŭ 2:0.
Cikava, što i tut biaz turak nie abyšłosia. Dva hały na rachunku hulca haspadaroŭ tureckaha pachodžańnia Chakana Jakina.
Vynikovaje stanovišča: Partuhalija – 6, Turcyja – 6, Čechija – 3, Švajcaryja – 3.
Takim čynam ŭ piatnicu ŭ druhim čverćfinale zbornaja Turcyi zhulaje sa zbornaj Charvatyi, jakaja ŭ svajoj hrupie zaniała pieršaje miesca.
Chto ž stanie supiernikam zbornaj Partuhalii, vyznačycca ŭžo siońnia, ŭ paniadziełak, kali buduć zhulanyja matčy ŭ hrupie "V" (Charvatyja – 6, Niamieččyna – 3, Aŭstryja i Polšča – pa 1):
Charvatyja – Polšča, Niamieččyna – Aŭstryja. Pačatak a 21:45.
Pracentaŭ na 90, što ŭ nastupny raŭnd trapiać niemcy, ale ž zdarajucca i cudy ŭ žyćci, jak siońnia, kali turki za 15 chvilin zabili try miačy.
Ciapier čytajuć
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii36
Vandroŭnik i biznesoviec ź Minska za dva dni znajšoŭ sabie praz sacsietki niaviestu — najbolš spadabałasia dziaŭčyna z Rasii
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?3636
Kamientary