Pradstaŭnik kampanii Chiłary Klintan Robi Muk zajaviŭ, što artykuł The New York Times pra toje, što kandydat u prezidenty ZŠA ad Respublikanskaj partyi Donald Tramp paźbiahaŭ vypłaty padatkaŭ na praciahu 18 hadoŭ praz straty ŭ pamiery $916 młn dalaraŭ, śviedčyć pra kałasalnyja niaŭdačy ŭ biznesie respublikanca. Zajavu Muka Klintan pryviała ŭ svaim Facebook.
«Hety dakład jak bomba, jakaja pakazvaje kałasalny charaktar minułych niaŭdač u biznesie Donalda Trampa i toje, jak doŭha jon moža paźbiahać vypłaty fiederalnych padachodnych padatkaŭ naohuł», — skazaŭ Muk. Jon taksama adznačyŭ, što ciapier, kali ŭsio ŭžo stała viadoma, čamu b Trampu «nie pajści dalej i nie apublikavać svaje spravazdačy, kab pakazać nam, nakolki jon «razumny».
Napiaredadni hazieta The New York Times paviedamiła pra toje, što atrymała dostup da dakumientaŭ ab padatkovych adličeńniach Trampa, ź jakich vynikaje, što ŭ 1995 hodzie jon mieŭ straty ŭ pamiery $916 młn dalaraŭ i moh atrymać prava lehalna źnizić svaje padatkovyja vypłaty na praciahu 18 hadoŭ.
Jak piša vydańnie, straty adbylisia praz pamyłki ŭ kiravańni tryma kazino ŭ horadzie Atłantyk-Sici, niaŭdałuju sprobu Trampa zaniacca biznesam u śfiery avijapieravozak, a taksama praz kuplu im hatela Plaza na Manchetenie.
Ciapier čytajuć
U Čechii małady biełarus trapiŭ u komu — nahłytaŭsia tabletak praz prablemy ź lehalizacyjaj i razryŭ ź dziaŭčynaj14
Kamientary