Makron acaniŭ trolinh Trampa Karłam III nakont francuzskaj movy ŭ ZŠA
«Heta było b šykoŭna», — napisaŭ prezident Francyi.
Fota: Ludovic Marin, AP
Emanuel Makron frazaj «Heta było b šykoŭna» acaniŭ žart Karła III, jaki toj vykazaŭ na ŭračystym viačery padčas vizitu ŭ ZŠA. Prezident Francyi apublikavaŭ kamientar u sacsietcy X.
Niadaŭna Karł III nahadaŭ Donaldu Trampu, jak toj u studzieni zajaviŭ, što biez amierykancaŭ jeŭrapiejcy «ŭsie b razmaŭlali pa-niamiecku i, mahčyma, krychu pa-japonsku».
«Vy niadaŭna adznačyli, spadar prezident, što kali b nie ZŠA, jeŭrapiejskija krainy havaryli b pa-niamiecku. Aśmielusia skazać, što kali b nie my, vy b havaryli pa-francuzsku», — zajaviŭ manarch.
U XVII—XVIII stahodździach Francyja i Vialikabrytanija viali baraćbu za terytoryju sučasnych ZŠA. Francyja kantralavała siaredniuju častku kantynienta.
Kamientary