Kiraŭnik MZS pra Mikałaja Łukašenku: zvyčajny vučań, vučycca ŭ sielskaj škole
Uładzimir Makiej nie ličyć, što Alaksandr Łukašenka bačyć małodšaha syna Mikałaja ŭ jakaści svajho pierajemnika. Pra heta kiraŭnik MZS Biełarusi zajaviŭ u intervju haziecie «Rečpaspalita», stenahrama jakoha była apublikavana pres-słužbaj zamiežnapalityčnaha viedamstva.
Ministr adznačyŭ, što Mikałaj Łukašenka — zvyčajny vučań. «Vučycca ŭ zvyčajnaj, možna skazać, sielskaj škole», — paviedamiŭ Makiej. Jon taksama adznačyŭ, što nie časta pierasiakajecca z małodšym synam prezidenta na niejkich mierapryjemstvach.
Polskija žurnalisty na heta adznačyli, što «nie kožnaje dzicia sustrakajecca z Papam Rymskim, sustrakajecca z prezidentam Abamam», i vykazali zdahadku, što ŭ Mikałaja Łukašenki «jość admysłovaja funkcyja».
U adkaz na heta Uładzimir Makiej zapeŭniŭ žurnalistaŭ, što viedaje staŭleńnie prezidenta Biełarusi da taho, čym pavinny zajmacca jaho dzieci i nie źbirajecca kamientavać hetuju situacyju.
«Jon nie žadaŭ by svaim dzieciam toj doli, taho losu, što jak by vypaŭ na jaho. Kiraŭnik Biełarusi časta jeździć z Kolem musić tamu, što tak jaho lubić, što nie moža doŭha bieź jaho znachodzicca. Tamu ja tut absalutna nie dumaju, što prezident takim čynam rychtuje sabie pierajemnika. Paŭtarusia, na hety kont jon užo dastatkova šmat razoŭ vykazvaŭsia», — adznačyŭ kiraŭnik MZS Biełarusi.
Kamientary