Ułady Vatykana ŭ aŭtorak apaviaścili katalikoŭ, što z hetaha času prach kremiravanych niabožčykaŭ nielha raśsiejvać, dzialić abo trymać doma, a zachoŭvacca jon pavinien tolki va ŭchvalenych Katalickaj carkvoj miescach, paviedamlaje Radyjo Vatykana.
U dakumiencie, pryniatym vatykanskaj kanhrehacyjaj daktryny viery, adznačajecca, što pachavańnie źjaŭlajecca najbolš bohaŭhodnym sposabam abychodžańnia z pamierłymi, bo najlepš adlustroŭvaje ideju ŭvaskrašeńnia, adnak kremacyja taksama dazvalajecca.
Śviatary patłumačyli novuju normu rostam papularnaści «idej, jakija supiarečać viery», jakija źjavilisia z 1960-ch hadoŭ, kali carkva aficyjna dazvoliła kremacyju. Tak, carkva zmahajecca ź idejaj pra toje, što raśsiejvańnie prachu ŭjaŭlaje ź siabie jadnańnie z pryrodaj abo vyzvaleńnie ad cieła, jakija ličyć ułaścivymi chutčej dachryścijanskim panteistyčnym daktrynam.
Akramia taho, viernikam zabaraniajecca dzialić pareštki pamiž saboj, zaklučać ich unutr miedaljonaŭ i ŭ inšyja aksesuary. Katalikam, jakija vybieruć kremacyju pa pryčynach, supiarečnych daktrynie, varta admaŭlać u pachavańni pa katalickim zvyčai, havorycca ŭ dakumiencie.
Novaja norma atrymała ŭchvaleńnie papy Franciška.
Nahadajem, u mai 2015 hoda svajo staŭleńnie da kremacyi vykazała Ruskaja pravasłaŭnaja carkva. Kremacyju RPC ličyć «źjavaj niepažadanaj» i nie ŭchvalaje jaje.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary