Urad Litvy pryniaŭ rašeńnie ab tym, što kraina voźmie ŭdzieł u adnaŭleńni nadmahilnaha pomnika vialikamu hietmanu litoŭskamu, vydatnamu pałkavodcu Kanstancinu Astrožskamu.
Na adnaŭleńnie pomnika ŭ Kijevie ŭrad Litvy na pasiadžeńni ŭ sieradu damoviŭsia vyłučyć da 44 tysiač jeŭra.
Vice-ministr zamiežnych spraŭ Nierys Hiermanas skazaŭ BNS, što damovilisia i ab padtrymcy prajekta ŭ budučyni.
«My ciapier havaryli pra 2017 hod — vyłučyć da 44 tysiač jeŭra, a potym budziem sačyć, kab hety prajekt byŭ realizavany da 2020 hoda. Sutnaść siońniašniaha rašeńnia — kab dziaržaŭnyja ŭstanovy Litvy pryniali palityčnaje rašeńnie ab padtrymcy hetaha prajekta i pa mahčymaściach finansavali. U heta buduć ŭciahnutyja mnohija viedamstvy, u pryvatnaści, ministerstva abarony, kultury», — skazaŭ jon paśla zakančeńnia narady.
Abjadnanyja vojski Vialikaha Kniastva Litoŭskaha i Karaleŭstva Polskaha pad kamandavańniem vialikaha hietmana litoŭskaha Kanstancina Astrožskaha ŭ vieraśni 1514 hoda ŭ chodzie maskoŭska-litoŭskaj vajny 1512-1522 hh. u bitvie pad Oršaj atrymali adnu z samych bujnych pieramoh časoŭ VKŁ, adoleŭšy praciŭnika, jaki ŭtraja pieraŭzychodziŭ ich pa kolkaści.
Kanstancin Astrožski pachavany va Uśpienskim sabory Kijeva-Piačorskaj łaŭry. Pyšnaje nadmahille było razburana razam z saboram 3 listapada 1941 h.
Novy pomnik płanujecca raźmiaścić na miescy raniejšaha ŭ adnoŭlenym u 2000 hodzie sabory.
Čytajcie taksama na sajcie DELFI:
Što zastałosia ŭ Kijevie z časoŭ Vialikaha Kniastva Litoŭskaha?
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary