Alena Anisim prapanuje pastavić u Stoŭbcach pomnik Kołasu i adkryć biełaruskuju himnaziju
Alena Anisim prapanuje adkryć u Stoŭpcach himnaziju ź biełaruskaj movaj navučańnia, krajaznaŭčy muzej i ŭstalavać u horadzie pomnik Jakubu Kołasu.
Z takimi prapanovami deputatka Pałaty pradstaŭnikoŭ vystupiła padčas navukova-praktyčnaj kanferencyi «Staŭpieččyna — historyka-kulturnaja spadčyna nadniomanskaha rehijonu», paviedamlaje rajonnaja hazeta «Pramień».
Arhanizatarami kanferencyi vystupili Instytut historyi Nacyjanalnaj akademii navuk Biełarusi, adździaleńnie humanitarnych navuk i mastactvaŭ i Staŭpiecki rajonny vykanaŭčy kamitet.
U Stoŭpcach, dzie balatavałasia Anisim, siońnia niama anivodnaj adukacyjnaj ustanovy ź biełaruskaj movaj navučańnia. Pastavić pomnik Jakubu Kołasu, jaki naradziŭsia ŭ vioscy Akinčycy (siońnia ŭ miežach horadu), miascovaja intelihiencyja prapanoŭvała jašče ŭ minułym stahodździ. Ale da hetaje pary na centralnaj płoščy horadu staić pomnik Uładzimieru Leninu. Haradzkija ŭłady spasyłalisia na toje, što ŭ horadzie jość vulica Jakuba Kołasa i hetaha dastatkova dla ŭšanavańnia ziemlaka.
Alena Anisim jość namieśnicaj staršyni Tavarystva biełaruskaj movy. U Pałacie pradstaŭnikoŭ pradstaŭlaje Staŭpiecka-Niaśviskuju akruhu.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary