Алена Анісім прапануе паставіць у Стоўбцах помнік Коласу і адкрыць беларускую гімназію
Алена Анісім прапануе адкрыць у Стоўпцах гімназію зь беларускай мовай навучаньня, краязнаўчы музэй і ўсталяваць у горадзе помнік Якубу Коласу.
З такімі прапановамі дэпутатка Палаты прадстаўнікоў выступіла падчас навукова-практычнай канфэрэнцыі «Стаўпеччына — гісторыка-культурная спадчына наднёманскага рэгіёну», паведамляе раённая газэта «Прамень».
Арганізатарамі канфэрэнцыі выступілі Інстытут гісторыі Нацыянальнай акадэміі навук Беларусі, аддзяленьне гуманітарных навук і мастацтваў і Стаўпецкі раённы выканаўчы камітэт.
У Стоўпцах, дзе балятавалася Анісім, сёньня няма аніводнай адукацыйнай установы зь беларускай мовай навучаньня. Паставіць помнік Якубу Коласу, які нарадзіўся ў вёсцы Акінчыцы (сёньня ў межах гораду), мясцовая інтэлігенцыя прапаноўвала яшчэ ў мінулым стагодзьдзі. Але да гэтае пары на цэнтральнай плошчы гораду стаіць помнік Уладзімеру Леніну. Гарадзкія ўлады спасылаліся на тое, што ў горадзе ёсьць вуліца Якуба Коласа і гэтага дастаткова для ўшанаваньня земляка.
Алена Анісім ёсьць намесьніцай старшыні Таварыства беларускай мовы. У Палаце прадстаўнікоў прадстаўляе Стаўпецка-Нясьвіскую акругу.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі54
Каментары