BRSM raźličvaje na lhoty dla svaich vałancioraŭ pry pastupleńni ŭ VNU

Biełaruski respublikanski sajuz moładzi raźličvaje na lhoty dla vałancioraŭ arhanizacyi pry pastupleńni ŭ VNU, paviedamiła sakratar CK HA «BRSM» Viktoryja Miannanava 2 śniežnia ŭ Minsku na pres-kanfierencyi, pryśviečanaj Suśvietnamu dniu vałancioraŭ (5 śniežnia).

Pavialičyć

Pavodle jaje słoŭ, BRSM raniej źviarnuŭsia ŭ Minadukacyi z prapanovaj dać pry inšych roŭnych ilhoty pry pastupleńni ŭ VNU na śpiecyjalnaści sacyjalnaj nakiravanaści vałancioram, jakija majuć asabistuju knižku vałanciora. Takich ludziej u Biełarusi kala piaci tysiač, a ŭsiaho ŭ vałanciorskim ruchu BRSM zaniata prykładna 34 tysiač čałaviek.

«Pavodle našaj infarmacyi, prapanovy ŭniesienyja ŭ prajekt ukaza prezidenta, jaki zaćviardžaje praviły pastupleńnia ŭ VNU», — skazała Miannanava.

Načalnik upraŭleńnia pa spravach moładzi Ministerstva adukacyi Natalla Pšaničnaja paćvierdziła, što viedamstva rychtuje prajekt ukaza kiraŭnika dziaržavy, jaki zaćviardžaje praviły pastupleńnia ŭ VNU, ale ŭ novych praviłach pryjomu ŭ VNU, pa jakich abituryjenty buduć pastupać u 2017 hodzie, ilhot dla vałancioraŭ BRSM nie budzie.

Aktualnaja redakcyja praviłaŭ pryjomu ŭ VNU dziejničaje z 2014 hoda, kali ŭ krainie admianili asobny konkurs dla vypusknikoŭ sielskich i haradskich ustanoŭ adukacyi. Ciapier BRSM, pa sutnaści, inicyjuje ŭviadzieńnie novaj ilhoty, jakaja budzie zasnoŭvacca nie na paśpiachovaści, a na prynaležnaści da peŭnaj hramadskaj arhanizacyi i ŭdziele ŭ jaje prajektach.

Namieśnik hienieralnaha sakratara Biełaruskaha tavarystva Čyrvonaha Kryža Ina Lemiašeŭskaja vykazała mierkavańnie, što ŭ vypadku razhladu pytańnia ab ilhotach vałancioram pry pastupleńni ŭ VNU nieabchodna dać ich i pradstaŭnikam inšych arhanizacyj.

«Na moj pohlad, — skazała jana, — kali my havorym pra sacyjalnuju značnaść dziejnaści vałancioraŭ u cełym, to nie pavinny abmiažoŭvacca prefierencyjami členam niejkaj adnoj arhanizacyi. Dla ŭsich vałancioraŭ nieabchodna taksama razhledzieć pytańnie ab zachavańni zarabotnaj płaty pa asnoŭnym miescy pracy, kali vałancior dapamahaje ludziam padčas nadzvyčajnych situacyj. Lubyja narmatyŭnyja dakumienty, jakija zakranajuć hetuju dziejnaść, nieabchodna šyroka abmiarkoŭvać na ŭzroŭni roznych viedamstvaŭ i hramadskich arhanizacyj».

Razam z tym Lemiašeŭskaja adznačyła, što dla luboj arhanizacyi źjaŭlajecca vielmi adkaznym arhanizavać ulik vałancioraŭ i vydaču dakumientaŭ, jakija paćviardžali b udzieł u dziejnaści ruchu.

• 0
• 0
• 0
• 0
• 0
• 0
• 0
• 0