U Biełarusi źmianiajucca praviły pryjomu va ŭstanovy vyšejšaj i siaredniaj śpiecyjalnaj adukacyi. Adpaviedny ŭkaz padpisaŭ Alaksandr Łukašenka, paviedamili BiełTA ŭ pres-słužbie kiraŭnika dziaržavy.
Asnoŭnymi novaŭviadzieńniami źjaŭlajucca mahčymaść zdačy centralizavanaha testavańnia pa čatyroch vučebnych pradmietach, pašyreńnie terminu dziejańnia siertyfikataŭ CT da dvuch hadoŭ, arhanizacyja da troch reziervovych dzion CT.
U adpaviednaści z dakumientam uvodziacca lhoty dla profilnych kłasaŭ piedahahičnaha kirunku pry pastupleńni na piedahahičnyja śpiecyjalnaści: zaličeńnie na dzionnuju biudžetnuju formu atrymańnia vyšejšaj piedahahičnaj adukacyi vypusknikoŭ takich kłasaŭ pa vynikach sumoŭja, pry hetym termin nastupnaj abaviazkovaj pracy pa raźmierkavańni składzie nie mienš za piać hadoŭ.
Akramia taho, stvorany roŭnyja ŭmovy konkursu pry pastuplenni na sielskahaspadarčyja śpiecyjalnaści va ŭsie ŭstanovy vyšejšaj adukacyi. Dla tych, chto pastupaje ŭ skaročany termin va ŭstanovy vyšejšaj adukacyi ŭsich profilaŭ, praduhledžana dva ŭstupnyja ispyty pa dyscyplinach vučebnaha płana siaredniaj śpiecyjalnaj adukacyi, što vyznačajucca pryjomnaj kamisijaj VNU.
Taksama ŭdakładnieny asobnyja pracedurnyja i techničnyja pytańni pryjomnaj kampanii
Kamientary