Ad aptymizacyi ŭ MUS nikudy nie syści, ale durnoha skaračeńnia być nie pavinna. Ab hetym Alaksandr Łukašenka zajaviŭ padčas rabočaj sustrečy ź ministram unutranych spraŭ Iharam Šunievičam, paviedamlaje BiełTA.
Kiraŭniku dziaržavy było paviedamlena ab vynikach dziejnaści orhanaŭ unutranych spraŭ u 2016 hodzie, zapłanavanych arhanizacyjnych i praktyčnych mierapryjemstvach, nakiravanych na pavyšeńnie efiektyŭnaści dziejnaści MUS. Asobnaj temaj dakłada stała aptymizacyja struktury ministerstva.
«My ad hetaha nikudy nie sydziem. Vy pastajanna mnie dakładvajecie, što kryminahiennaja situacyja palapšajecca, značyć, nam pastupova treba iści da skaračeńnia, ale nie da biazdumnaha, a da aptymizacyi struktur», - skazaŭ Alaksandr Łukašenka.
Kiraŭnik krainy padkreśliŭ, što zekanomlenyja za košt hetaha srodki zastanucca na bałansie viedamstva. «Kali łaska, dadavajcie akłady, kuplajcie słužbovuju majomaść, ŭzbrajeńnie i hetak dalej. Tak budzie i nadalej: usio, što vy skarocicie, zastaniecca ŭ vas. Plus ja jašče ŭ dva razy pavialiču hetuju ličbu i dadam. Heta značyć skaracili na Br10 młn, atrymajecie Br20 młn - Br10 młn skaročanych i Br10 młn dadatkova ź biudžetu, - źviarnuŭ uvahu kiraŭnik dziaržavy. - Tamu vy pavinny być zacikaŭleny ŭ hetym, ale nie na škodu słužbie. Nie pavinna być aptymizacyi dziela durnoha skaračennija Tym bolš nielha kryŭdzić prystojnych ludziej u milicyi. Kali jany zasłuhoŭvajuć dalej praciahvać svaju słužbu i zapatrabavanyja, značyć, ich treba zachavać. chto nie choča, nie moža, chto drenna niasie słužbu, ad ich treba vyzvalacca. Tamu pavinna być razumnaja aptymizacyja».
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty49
Kamientary