Šeść pryzoŭ, zasnavanych arhanizatarami i sponsarami festu padzialili miž saboj try hurty — TLUSTA LUSTA z Horadni, SPITA/ Fź Miensku i HLUKI z Mahilovu. Haradziency atrymali asnoŭny pryz — biaspłatny zapis albomu.
Usiaho ŭ konkursie ŭziali ŭdzieł 6 hurtoŭ. Jašče try ŭdzielnika tak i nie dabralisia da Haradku praz prablemy ź vizami. Laŭreataŭ vyznačała žury ŭ nastupnym składzie: Iłona Karpiuk (arhanizatar «Basovišča» u 2003‑2006 hh.), Słava Korań, Boban (Zero‑85) i Źmicier Vajciuškievič.
TLUSTA LUSTA — laŭreaty 1‑aj premii — adnojčy ŭžo prabivalisia praz adboračny tur na «Basovišča». Ale tady, u 2004 hodzie, jany nia zdoleli vystupić na festyvalu, bo adnaho z udzielnikaŭ kamandy zabrali ŭ vojska. «Całkam spraviadlivaje rašeńnie addać hetamu hurtu pieršaje miesca. Jany sapraŭdy vartyja taho», — adznačyŭ u interviju TH adzin ź siabraŭ žury adboračnaha turu da «Basovišča‑2008* i viadučy kancertu Alaksandar Pamidoraŭ.
Dla mienskaha hurta SPITA/ F vystup na festyvalu byŭ sapraŭdnaj padziejaj. Pa‑sutnaści muzyki ŭpieršyniu vystupali na vialikaj scenie, ale trymalisia vielmi ŭpeŭniena, pakazaŭšy nadzvyčajnuju muzyčnuju śpiełaść.
HLUKI razhladalisia siarod patencyjnych favarytaŭ «Basovišča» jašče niekalki hod tamu, ale tolki sioleta patrapili ŭ lik udzielnikaŭ konkursu. U samy bližejšy čas jany prezentujuć svoj novy dysk pad nazvaj «Idyjatyzm».
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary